মহাভারতকী ‘মণিপুর’নি হায়বগী মরমদা -- আই.এস. থিংগোম
চৎলিবা চহী ২০২৩ গী জানুয়ারী থাদা ভারতকী ইমুং মনুং মন্ত্রী অমিত শাহনা ইম্ফালদা লাক্লগা মণিপুরবু মহাভারতকী ‘মণিপুর’ অসিমকনি হায়রম্বগী দমক মণিপুরগী অখং অহৈশিং কয়ানা পেন্দবা ফোঙদোক্নখি। মণিপুরগী পাউচেশিংদসু তত্তনা ইরদুনা মহাভারতকী ‘মণিপুর’ দি উরিষ্যাদা ওইগদবনি হায়দুনা থাজনিঙাই ওইবা মওংদা খংহনলি। মন্ত্রী অমিত শাহগী মীফম অসিগী মমাংদা চৎখিবা ইং ২০২২ গী এপ্রিল থাদা পাঙথোকখিবা মণিপুরী সাহিত্য পরিষদ, আসামগী মীফমলেন্দা আসামগী কেবিনেট মন্ত্রী পরিমল শুক্ল বৈদ্যনসু মণিপুরী ঐখোয়সে অর্জুনগী বংশনি হায়না য়াম্না ময়েক শেংনা হায়রমখি।
হায়রিবা লুচিংবা অনী অসিতসু নত্তনা অতোপ্পা লুচিংবা কয়াগী মপুক্নিংদা মণিপুরীশিং অসি অর্জুন বব্রুবাহনগী চাদা নাওদানি হায়না খঙদুনা লৈরবনি। লুচিংবা নত্রগা মীয়ামগী মরক্তা খল্লম্বা লৈরগসু য়াম্না খঙহৈবা মায়চৌশিংগী মরক্তদি য়েৎনবা খরদি অদুম লৈরিবনি। মহাভারতকী ‘মণিপুর’ অসি ঐখোয়গী ‘মণিপুর’ অসিমক্নি নত্রগা উরিষ্যাদনি হায়না খন্নবসি কুপ্না থিজিনবা মায়চৌশিংগী মরক্তা ৱাখল্লোন অনী থোক্তুনা লৈরবনি।
আর্কিওলোজিষ্ট নগেন্দ্রনাথ বসুনসু উরিষ্যাদা ওইগনি হায়রম্মী। করিগীদমক্তা হৌজিক্কী মণিপুর রাজ্য অসিবু মহাভারতকী ‘মণিপুর’ নি হায়রম্লিবনো হায়বসিগী মতাংদা অমুক্তাং য়েংমিন্নসি।
অর্জুননা আদি পর্বদা চৎখিবা খোৎচৎ অদু কলিঙ্গ (উড়িষ্যা) লৈবাক্কী মহেন্দ্র পর্বত ওইরগা সমুদ্র মপান্দা লৈবা মনালুর, মণিপুরদা চৎখি। মরম অসিননি অয়াম্বা হিষ্টোরিয়ান, স্কোলারশিংনা মহাভারতকী মণিপুরদি উরিষ্যাদনি হায়নরিবসি। অমুকসু অশ্বমেধকি পর্বদা হায়রি শগোলগী খোঙচৎ মতুং ইন্না অর্জুননা মথং মথং লৈবাক অহুম প্রাগজ্যেতিষ, সিন্ধু অমসুং মণিপুরদা লান থেংনৈ। ময়াইগী লৈবাক সিন্ধু হায়বসিদি নোংচুপতা লাপ্না লৈখিবনা থংন থংননা লাকপা য়াদে। অদুগা প্রাগজ্যোতিষ হায়বদি আসাম অমসুং মণিপুরদি য়ুম থংননা লৈবা লৈবাক ঙাক্তনি। অদুনা খোঙচৎ অসি মণিপুর য়ৌনা চঙশিল্লম্লে হায়বা য়াই অসিমক্নি।
মালেমগী থাক্তা ফাওরবা হিষ্টোরিয়ান ড. রমেশচন্দ্র মজুমদারনা মতাং অসিদা করি হায়রি হায়বদু য়েংসি। But in the asvamedhik parva the three countries where Arjuna had to fight for the horse are sucessively named Pragjytisha, Sindhu and Manipur. Whether Manipur be identified with present Manipur in Eastern India of located in Orissa, the mention of thei place between Pragjyotisha in Assam and Sindhu of Sindh le the extreme limits of Norther India seems to be an anomaly. It is not unlikely therefore that Sindhu is an interpolation and in that case juxtaposition of Pragiyutisha and Manipur certainly favours the identification of Manipur with the present State of that name in Eastern India.
আসামগা থংননা মণিপুরগী মিং পনবা গুম্না নাগাগী নিংথৌ মচানুপী উলুপীগা মণিপুরগী চিত্রাঙ্গদা বব্রুবাহনগা নকশিন্নরম্বগী ৱাফম খরদংগা আরসি মজুমদারদগী লৌখৎচগে
: During his self-imposed exile Arjuna had married Ulupi, the daughter of the Naga King Kauravya of the Elephant clan (Alra vatakula) in the netherlands (Under water of Ganges). This episode and the marriage of Arjuna with Chitrangada are mentioned in two successive chapters in the Mahabharata. Again when Vabhrubahana, King of Manipur of Manalur refused to fight with his father Arjuna, it was Ulupi who instigated his to fight and when Arjuna was killed. Ulupi restored hi life. When Vabhrubahana attended the Asvamedha ceremony of Yudhisthira, he was accompanied y Chitrangoda and Ulupi. Thus the Naga daughter and Chitrangada are closely associated.
নাগা লৈবাক্কা মণিপুরগা য়াম্না নকশিন্না লৈমিন্নবগী ৱাফম অসিগী মথংদা মহাক্না হায়রিবসি মণিপুরদা চিত্রাঙ্গদা বব্রুবাহনগী পোক্নফমনি হায়না থাজনবা অমা লৈবগুম্না উরিষ্যাগী মনালুরদদি করিগুম্বা মওংগী চৎনবী লৈতে হায়বসিনি।
মহাভারতকী মণিপুরবু হৌজিক্কী মণিপুর অসিমক্নি হায়দুনা মণিপুরগী মায়চৌ খরনা ইরম্বসু উবা ফংলে। লাইগী ৱারীগা মরী লৈনরগা লাইগী চারোন শুরোননি হায়না চাওথোকচবা হায়বসি জাতি কয়াগীসু অপান্বনি। খ্বাইদগী হেন্না শাথিবা কাংলুপ অমা হায়বা তারবদি বিষ্ণুপ্রিয়া মণিপুরীনি। মখোয়দি বব্রুবাহনগী বংশনি, আর্য্য ফুরূপনি, হিন্দুনি হায়দুনা য়াম্না কন্না হায়রিবনি। মখোয়নসু মফম কয়াদা রেকর্ড কয়াদা মণিপুর অসিমক মহাভারতকী ‘মণিপুর’ নি থমখিবা লৈরবনি। তৌইগুম্বসুং হৌজিক্কী মতমদা মদু চুমদে, অরানবনি হায়না কন্না ইনরিবনিনা ভারতকী লুচিংবা কয়ানসু অচুম্বদু নোংমদি শোয়দনা খংলক্কনি অমসুং চয়েৎনবসি কোকিখিবনি।
0 কমেন্ট:
কমেন্ট তৌবিয়ু