• 117
• ২৪শে মার্চ ২০২৪ ইং
• Share on:

মধুর্যজিৎ থাঙ-তা কপ আসামদা পাঙথোক্লগনি

ইম্ফাল, মার্চ ২৩ : অহানব আর কে মধুর্ষজিৎ মেমোরিয়েল থাঙ-তা কপ চহী অসিগী মে ২৩ অমসুং ২৪ দা স্তেত লেভেল কম্পিতিসন ওইনা অসামদা পাঙথোক্লগনি হায়না থাঙ-তা গ্রান্দ মাস্তর হুইদ্রোম প্রেমকুমারনা লাউথোকখ্রে।

অসাম থাঙ-তা এসোসিয়েসনগী প্রেসিদেন্ত দব্লিউ বিনয় কুমার সিংহনা মীফম মপু অমসুং থাঙ-তা গ্রান্দ মাস্তর হুইদ্রোম প্রেমকুমারনা অথোইবা মীথুংলেন ওইদুনা ঙসি নহারোল খোরিরোল শিল্লূপ মণিপুরগী লক্ষিপুর অসামদা লৈবা শঙলেন্দা পাঙথোকখিবা আসাম থাঙ-তাগী জেনরেল মীফম্না মণিপুরগী ওলিম্পিক মুভমেন্ততা থৱায় হাপ্লম্বা অমসুং মণিপুরগী স্পোর্তসকী লময়ানবা লৈখিদ্রবা আর কে মধুর্যজিৎকী মিংদা থাঙ-তাগী কম্পিতিসন অদু পাঙথোক্নবা ৱারেপ লৌখি। মীফম অদুদা অপূনবা খোরিরোল মালেম লূপ ইম্ফালগী প্রেসিদেন্ত ৱাইখোম অমুচৌ মীতৈ অমসুং শান্ত খুরাইজমসু শরুক য়াখি।

অসাম থাঙ-তা এসোসিয়েসন্না শীন্দুনা পাঙথোক্কদৌরিবা আর কে মধুর্যজিৎ থাঙ-তা কপ অদু ইম্ফালগী অপূনবা খোরিরোল মালেম্না স্পোন্সর তৌগদৌরি। মণিপুরগী পুৱারীগা মরী লৈননা অৱাগী লান্দা মণিপুর লেভিনা অসামগী কছার চন্দ্রপুরদা মহারাজ গম্ভীর সিংহনা থুংদুনা অৱাগা লান্থেংননবা শেম শাবা হৌখিবা নুমিৎ মে ২৩ বু নীংশিংবা ওইনা চহী খুদীংগী থাঙ-তা কম্পিতিসন অদু পাঙথোক্লগনি অমসুং মসিদা মেদল অমসুং শেনগী-মনাশিং লৈগনি হায়না আসাম থাঙ-তা এসোসিয়েসন্না ফোঙদোরক্লি।

সোর্স: পোক্নফম