আপডেট:
image

মণিপুরী লোল থাক ৱাংনা লৈরিঃ জয়চন্দ্র

 

ইম্ফাল, জুন ১৬ : নোর্থ ইস্ততা মণিপুরী লোল অসি য়াম্না মরাইবক ফরে অমসুং মণিপুরী লোলগী থাক অসিসু ৱাংনা রৈরি হায়না মণিপুরী সাহিত্য পরিষদকী প্রেসিদেন্ত লোংজম জয়চন্দ্রনা ফোঙদোকখ্রে।

ফিক্সন এন্দ পোইত্রি ক্লব, মণিপুরনা শীন্দুনা ঙসি মণিপুর প্রেস ক্লবতা পাঙথোকখিবা নিংঙোম্বম নন্দো সিংহনা ইবা মণিপুরী খোরিরোলদা লন্না মিৎয়েং” অমসুং “খোঙ্গুল অমসুং ময়ি” মিঙথোনবা লাইরিক অনী ফোঙখি।

থৌরম অদুদা চীফ গেস্ত ওইনা শরুক য়াখিবা মণিপুরী সাহিত্য পরিষদকী প্রেসিদেন্ত লোংজম জয়চন্দ্রনা হায়, ইন্দিয়াদা লোল কয়ামুক লৈরিবা অসিদা ৮ শুবা সেদ্যুলদা চনবা ঙমদবা, সাহিত্য একাদেমিনা চনবা ঙমদবা, সাহিত্য একাদেমিনা শকখঙদবা কয়া লৈরি। মসিগী মরমদি মখোয়গী লিতরেচরগী হিস্ত্রি লৈতবননি।

মহাক্না হায়, নোর্থ ইস্ততা মণিপুরী লোল অসি য়াম্না লাইবক ফরে। লোল অসিগী স্ক্রিপ্ত লৈজৈ অমসুং সাহিত্য একাদেমিনসু মশকখঙবা লোল অমা ওইনা মসিগী থাক অসি ৱাংনা লৈরি।

অনৌবা নহা অইবা কয়া লৈরিবা অসিনা অহলশিংনা চিত্থরম্বা, ৱাৎহৌরিবা ময়াম অসি মেনখৎনবা হোৎনসি। মণিপুরী লিতরেচরগী গোল্ডন পেরদ অসি অমুক্তং মপূং ফাহল্লগা হেন্না ফবা হিস্ত্রি ওব মণিপুরী লিতরেচর অমা পুথোকপা তঙাই ফদ্রে হায়না জয়চন্দ্রনা ফোঙদোকখি।

থৌরম অদুদা গেস্ত ওব ওনর ওইনা শরুক য়াখিবা সাহিত্য একাদেমি এৱার্দি য়ূমলেম্বম ইবোমচানা লিতরেচর তৌগে হায়না চঙবীরক্লবশিংনা পূকচেল শেংবীয়ু, থম্মোয় শেলবা মতমদা মণিপুরী লিতরেচরগী থাক অসি ৱাংখৎলক্কনিহায়না ফোঙদোকখি।

ঙসি ফোঙখিবা লাইরিক অনী অসিগী অইবা নিংঙোম্বম নন্দোবু শৈরেং অমসুং ঈশৈ ময়েক ইবা অমা ওইরিবা অসিগী মথক্তা হেন্না মপূং ফাবা ক্রিতিক অমা ওইরক্নবা হোৎনহন্নিংবগী অপাম্বসু শক্নাইরবা কবি ইবোমচানা ফোঙদোকখি।

ফিক্সন এন্দ পোইত্রি ক্লব, মণিপুরগী প্রেসিদেন্ত দাঃ হৈস্নাম বুধিচন্দ্র সিংহনা প্রিসাইদ তৌখিবা থৌরম অদুদা এম য়ুগী স্কুল ওব হ্যুমেনিতিজগী হান্নগী দিন প্রোঃ নহাকপম অরুনা, এম য়ুগী মণিপুরী দিপার্তমেন্তকী এসোসিয়েত প্রোফেসার দাঃ ৱাহেংবম কুমারী চনু অমসুং শক্নাইরবা ক্রিতিক অমসুং ত্রান্সলেতর লাইশ্রম মেমোনা গেস্ত ওব ওনরশিং ওইনা শরুক য়াখি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: