আপডেট:
image

মণিপুরী লোলবু ক্লাসিকেল লেঙ্গুয়েজদা চনবগী মতাংদা কুপ্না য়েংশিল্লি

ইম্ফাল, মার্চ ২৪ :মণিপুরী লোল/মীতৈ লোলবু ইন্দিয়াগী ক্লাসিকেল লেঙ্গুয়েজদা চন্নবা হোৎনরিবা অসিদা অপনবা পীনবা হোৎনবা য়াওরম্লবদি মখোয়শিং অদু মীয়াম মমাংদা লাউথোক্তুনা খঙহল্লগনি হায়না ৱাখল্লোন মান্নবা অপুনবা (ৱামা), কংলৈপাকনা চেরোল অমাদা ফোঙদোরক্লি।

চেরোলসিনা মখা তারদুনা, ৱামানা লমদমসিগী অমত্তা ঙাইরবা মণিপুরী লোলবু ইন্দিয়াগী ক্লাসিকেল লেঙ্গুয়েজদা চন্ননবা হৌখিবা কুমজা ২০২২ দা ৱামানা মতমদুগী লেঙ্গুয়েজ দিপার্টমেন্টগী দাইরেক্টর চিত্রা, আইএএসতা ক্লাসিকেল লেঙ্গুয়েজ চন্নবা মরি লৈনবা দোকুমেন্ট খুদিংমক লোইশিন্দুনা অথুবা মতমদা কম্মিটি শেম্বীদুনা অথুবা মতমদা কম্মিটি শেম্বীদুনা মরি লৈনবা লোয়শঙ-শিংদা থাবীদ্রবদি মফম মতম য়েংদনা নুমিৎ অমদা হেক্তা লেঙ্গুয়েজ দিপার্টমেন্ট অসি থোং লোনশিল্লগনি হায়না ৱামানা খঙহনখি।

অদুবু ৱামাগী ৱারেপ্পু লেঙ্গুয়েজ দিপার্টমেন্টনসু খঙবীদুনা অথুবা মতমদা কম্মিটি শেম্বগা লোয়ননা দোকুমেন্ট খুদিংমক লোইশিন্দুনা মমাং চহিগী সেপ্টেম্বর ৯দা লেঙ্গুয়েজ দিপার্টমেন্টগী দাইরেক্টর চিত্রা, আইএএসনা মণিপুরগী নিংথৌ লৈশেম্বা সনাজাওবা, এমপি, রাজ্য সভা লোয়ননা ক্লাসিকেল লেঙ্গুয়েজ ওইহন্নবা হোৎনবদা শরুক য়াখিবা কম্মিটি খুদিংমকপু ৱামানা থাগৎপা ফোঙদোকপগা লোয়ননা মণিপুরী লোল অসি ক্লাসিকেল লেঙ্গুয়েজদা চল্লগনি খন্না হরাওনখিবনি।

অদুবু লাইবক থিবদি হৌজিক থা ৭ হেল্লক্লবা ফাওবদা মণিপুর সেক্রেটরিয়েটতা ফাইল অসি মফম খঙদনা লোইশিনফম খঙদনা লৈরিবা অসি মীৎয়েং চংবীদুনা ঙসিদগী নুমিৎ ১০ নিগী মনুংদা মরি লৈনবশিংনা ফাইল অসিগী মরমদা খঙহনগদবনি। করিগুম্বা মীয়ামদা খঙহন্দ্রবদি ৱামানা মীয়ামদা ফাইল অসি সেক্রেটরিয়েটতা পল্লগা লৈবগী মতাংদা য়েংশিনবগা লোয়ননা করিগুম্বা ফাইল অদু চৎতনবা লৌতুনবা য়াওরম্লবদি মদুদা চেন্নবশিং অদু লৈবাক মীয়ামদা লাউথোক্তুনা খঙহল্লগনি।

অমরোমদা, মণিপুর লৈঙাক্না য়াদুনা চৎনখ্রবা মৈতৈ ময়েক ২৭ অসি গেজেটতা ফোঙদুনা তম্নখ্রবা হৌজিক এমএগী থাক য়ৌখ্রবা অসি ফাওবদা মণিপুরগী নিংথৌ লৈশেম্বা সনাজাওবা, এমপি, রাজ্য সভানা চহি ২/৩ রোমসি ইন্দিয়াগী শেলয়েক অনৌবা নম্লকপদা ঐখোয়গী ময়েক অসি য়াওরক্লগনি, মসিগী মওং মতৌ খুদিংমক আরবিআইনা অথুবদা থারক্নবা খঙহল্লকপা লৈখ্রে হায়বদুগী মতাংদা মরি লৈনবা লোয়শঙশিংনা মীয়ামদা খঙহনবীয়ু হায়নসু ৱামানা আপিল তৌরক্লি।

মণিপুরী নিংথৌনা পার্লিয়ামেন্টদা লমদমসিগীদমক কান্নগদবা ৱাফম কয়া পুথোকপীখ্রে। অদুবু লমদমসিগী লৈঙাক অমদি মরি লৈনবা লোয়শঙশিংনা মতম চানা চে থারক্তবনা মতম চানা খঙহল্লবসু মতম চানা লোইশিন্দুনা চে অমত্তা থাদবনা মতম চানা অমত্তা লোইশিনবা ঙমদ্রি। মসিগী মতাংদা ৱামানা ঙসি ফাওবা ক্লাসিকেল লেঙ্গুয়েজগী মতাং অমদি ইন্দিয়াগী শেনয়েক্তা য়াওহনগনি হায়খিবদুগী মতাংদা কুপ্না য়েংশিল্লি হায়বসি মরি লৈনবা লোয়শঙশিংনা খঙবীগদবনি হায়রি।

সোর্স: সঙাই এক্সপ্রেস   

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: