মণিপুরি সাহিত্য পরিষদকী মনা ফংগদবশিংগী মমিং লাউথোকখ্রে
ইম্ফাল, ফেব্রুয়ারি ২৫ : মণিপুর সাহিত্য পরিষদনা কুমজা ২০২৩ গী ওইনা লাইরিক্তা পীগদবা শেলগী মনা অমসুং সনাগী মেডল ফংগদবা মীওইশিংগী মমিং পরিষদ অসিগী ফমখিবা মীফম অমনা লাউথোকখ্রে হায়না পরিষদ অসিগী জেনারেল সেক্রেটারি এলাংবম প্রিয়ব্রতনা থাদোরকপা চেরোল অমনা ফোঙদোরক্লি।
মনাশিং অসি মণিপুর সাহিত্য পরিষদকী পাঙথোক্কদৌরিবা ৮৮ শুবা চহীগী মীফমগা মরী লৈননা লান্থোক্লগনি হায়রি। মনা ফংগদবা মীওইশিং অদুদি নোংথোম্বম কুঞ্জমোহন সাহিত্য মনানা ‘মুৎশিল্লক্লবা লৈই’ গী অইবী ময়া নেপ্রমদা পীরগনি, রানি খেরদানী (এলাংবী) দেবী মনানা ‘খোংজোম পর্ব্ব’ গী অইবী খুমন্থেম সুন্দরিদা, মৈস্নাম ওজা তোম্বী ক্রিটিক এৱার্দনা ‘ফোঙদোক্লোন’ গী অইবী ডো. সলাম শান্তিবালাদা, বি এম নোভেল এৱার্দনা ‘ঙাঙ্রানবা নুমিদাং’ গী অইবা মোইরাংথেম প্রিয়ব্রতদা, এলাংবম দিনমনি সাহিত্য মনানা ‘মাক্লং তুরেলগী ইথৎ ঈরৈ’ গী অইবী মুতুম রমনিদা, অশাংবম মীনকেতন অঙাং নৱা সাহিত্য মনানা ‘অঙাংশিংগী শান্নবুংসিদা’ গী অইবা শাম্ভো এম দা, য়ুম্নাম লালা অমসুং বিধুমুখি নীংশিং মনানা ‘লোয়ুম্বা’ গী অইবী সোনিয়া খুন্দ্রাকপমদা, সৌগাইজম জিতেন্দ্র (সিদাম) অমসুং রুহিনী নীংশিং মনানা ‘থামম্বা অহিং’ গী অইবী অরাম্বম (ও) মেমচৌবীদা, লবুক্তোংবম রঘুমনি শর্ম্মা ত্রান্সলেসন এৱার্দনা ‘শ্রীকান্ত’ গী অইবা তেন্সুবম কুঞ্জেশ্বরদা, লৌরেম্বম ইবোয়াইমা সিংহ ত্রান্সলেসন এৱার্দনা ‘মীৎতাংবা শগোলগী মীংদা অঙম্বা কৎপীয়ু’ গী অইবা লাইশ্রম সোমরেন্দ্রদা পীরগনি।
পরিষদ অসিনা লাইরিক্তা পীবা সনাগী মেডল ফংলগদবশিংনা কামিনি কুমার সনাগী মেডলনা ‘অপাইবা তাঙ্গোই’ গী অইবা মৈ ভগৎতা অদুগা যামিনী শুন্দর গুহ গোল্ড মেডলনা ‘মৈৱাইরক্লবা নুমিদাং’ গী অইবা মোইরাংথেম রাজেনদা পীরগনি হায়রি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু