image

মণিপুরনা মেদল কয়া লৌরে, নেভিগী রোবি মীতৈনা মিস্তর য়ুনিভার্স তাইতল লৌরে

ইম্ফাল, ওক্টোবর ২৬ : মহারাস্ত্রগী চত্রপতি শম্ভজি নগর ঔরঙ্গবাদতা পাঙথোকপা আই এফ বি বি মিস্তর য়ুনিভার্স অমসুং ইন্দিয়া ২০২৩ দা মণিপুরনা মেদল কয়া লৌখ্রে, অদুগা ইন্দিয়ান নেভিগী মহুৎ শিন্দুনা কম্পিত তৌখিবা মণিপুরগী মোইরাংথেম রোবি মীতৈনা মিস্তর ইন্দিয়া অমসুং য়ুনিভার্স ২০২৩ তাইতল লৌখ্রে।

মফম অসিদা ফংবা পাউনা হায়, মিস্তর ইন্দিয়াগী কম্পিতিসন অদুগী জুনিয়ারগী বোদি বিল্ডিংগী কেজি ৭০ গী কাংলূপ্তা সায়েদ আসিফ আলিনা গোল্ড, কেজি ৬০গী দা ফমদোম অরুন মীতৈনা সিলভার লৌখি। কেজি ৬৫ গী কাংলূপ্তা ভিকাশ পেচিময়ূম্না মরিশুবা মফম কনখি।

জুনিয়র মেন্স ফিজিক্তা মণিপুরগী বোরুন অহোংশাংবম্না সেন্তিমিতর ১৬৮ গী কাংলূপ্তা সিলভার, রোবিন্সন য়াংলেম্না ব্রোঞ্জ, অদুগা ভিশাল কুমার সিংহনা মঙাশুবা মফম কনখি। সিনিয়র মেন্স ফিজ্ক্তিা কোন্থৌজম পুন্সিবনা সেন্তিমিতর ১৭৩ গী কাংলূপ্তা সিলভর লৌখি। মেন্স ক্লাসিক ফিজিক ওপেন্দা পাওনম রোমেশনা সেন্তিমিটর ১৬৮ গী কাংলূপ্তা ৬ শুবা মফম তাহৌখি। চহী ৫০ গী মথক্কী মার্স্তসকীদা মণিপুরগী নিংথৌজম জয়কান্ত মৈতৈনা সিলভর, পাওনম রোমেশনা ব্রোঞ্জ, মোইরাংথেম রঞ্জিৎনা ৫শুবা মফম কনখি।

                 মিস্তর ইন্দিয়া অমসুং য়ুনিভার্স ২০২৩ তাইতল ফংলবা মোইরাংথেম রোবি মীতৈ

মিস্তর য়ুনিভার্সকী কন্তেস্তর মাইবম শাওলিন সিংহনা মার্স্তাসকী চহী ৪০গী মথক্কী কাংলূপকী বোদি বিল্ডিংদা শরুক য়াখি। ইন্দিয়ান নেভিগী মোইরাংথেম রোবিনা মিস্তর ইন্দিয়া অমসুং মিস্তর য়ুনিভার্সকী কম্পিতিসন্দা ওভর ওল তাইতলশিং লৌখি। মণিপুরগী তিম্বু তিঐচ জোন্না তিম মেনেজার অমসুং ওইনাম প্রেমকুমারনা কোচ ওইনা লুচিংখি। আই এফ বি বিগী ওর্গানাইজিং সেক্রেটারি ই ইনাওসু শরুক য়াখি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু