মণিপুরগী মপান্দা খঙহনবগী মথৌ য়াম্না তাইঃ শরতচান্দ থিয়াম
ইম্ফাল, জুলাই ২৯ : সাহিত্য থৌপাং লূপ (সাথৌলূপ) না শীন্দুনা ঙরাং লোক্তাক্তা লৈবা মন্ধা আইরেন্দদা মহা কবি হিজম অঙাংহলগী চহী ১৩২ শুবা মপোক কুমওনগী থৌরম অমা পাঙথোকখ্রে।
থৌরম অদুদা শক্নাইরবা লাইয়েকপা আর কে বুধিমন্তনা চীফ গেস্ত অমসুং সাথৌলুপগী প্রেসিদেন্ত তোংব্রম অমরজিৎনা প্রেসিদেন্ত ওইনা শরুক য়াখি। থৌরম অদুগা মরী লৈননা শরুক য়াখিবশিংনা মহাকবি অসিগী ফোটোদা লৈ-শু কৎতুনা ইকায়খুম্নবা ঊৎখি।
থৌরম অসি নুংগী ওইবা ৱারোল ফোঙদোক্লদুনা শক্নাইরবা অইবা শরতচান্দ থিয়াম্না হায়, ঐখোয়না থৌরমশিং অসি ইম্ফাল খক্তদা পাঙথোকপগী মহুত্তা মসিগী ৱাংমদা পাঙথোক্তুনা মীয়ামগী ওইহনবা অমা চঙই। ইনাক খুল্লি হায়রিবা মণিপুরী সাহিত্য অমসুং কলচর অসি মণিপুরগী মপান্দা খঙহনবা মথৌ য়াম্না তাই।
ইনাক খুল্লবা সাহিত্যনি হায়দুনা মণিপুর মনুংখক্তদা অসুম নৈশিন্দুনা লৈবা তারবদি মপানগী মীনা খঙবা য়াম্না ৱাৎকনি। অসিগুম্বা পান্দম অসিগা লোয়ননা সাথৌলূপনা শীন্দুনা লাক্রিবা সেপ্তেম্বর থাসিদা ওয়েস্ত বেঙ্গলগী মফম খরদা মণিপুরগী সাহিত্যভু খঙহল্লুনবগীদমক সাথৌলূপকী অচৌবা খোঙবু অমা চৎকনি। চৎকদৌরিবা খোঙচৎ অসি সাথৌলূপনা চহী ২০ শুরকপা থৌরমগা মরী লৈনননি হায়খি।
থৌরম অদুদা চীফ গেস্তকী ৱারোল পীরদুনা আর কে বুধিমন্তনা হায়, সাহিত্যদতা নৎতনা ৱারী পূম্নমক অয়েকপা লাইশিংদসু তূংশিন্দুনা লৈ। সাহিত্য অমসুং অয়েকপা লাই হায়বসি য়াম্না মরী লৈনৈ। লোয়ননা অনীসি থাদোক্নবা য়াদ্রবা অচেৎপা মরী অমসুনি।
সোর্স: পোক্নফম
0 কমেন্ট:
কমেন্ট তৌবিয়ু