• 483
• ২৫শে মার্চ ২০২৩ ইং
• Share on:

বাংলাদেশকী কুনাগাঁওদা সনামহী শঙলেন অমদি শোন্নপুঙ শঙ্গারগনি

ইম্ফাল, মার্চ ২৩:   থা অসিগী ২৭ তগী লাইনিংথৌ সনামহী টেম্পল বোর্দকী মেম্বর সেক্রেটরিনা লুচিংবা মীওই ১২না শাবা টিম অমা বাংলাদেশকীদমক ইম্ফাল থাদোক্লগনি হায়রি। 
ৱাফম অসি ঙসি লাইনিংথৌ সনামহী টেম্পল বোর্দকী মখাদা বাংলাদেশকী কুনাগাঁওদা সনামহী শঙলেন অমদি শোন্নপুঙ শাবগী উরেপ তম্বা চৎনবা মীওইশিংদা য়াইফা থৌজাল পীবদা শরুক য়ারদুনা বোর্দ অসিগী ভাইস প্রসিডেন্ট বিদ্যাপতি সেঞ্জমনা ফোঙদোরকখিবনি।
অসিগুম্বা শঙলেন অসি শাননবগীদমক বোর্দ অসিগী মীৎয়েং মখাদা ফন্দ দ্রাইভ কম্মিটি অমসু শেম্লে হায়খিবগা লোয়ননা কম্মিটি অসিগী কনভিনর ওইনা শৌগ্রাকপম হেমন্তবু খনখিবগা লোয়ননা কম্মিটি অসিদা রঙ্গিলাল অমসুং হেপি রাজেনসু য়াওরি হায়রি।
শঙলেন অসি শানবগি মতেং ওইনা জিরি অপূনবা সনামহী লাইনীং লুপনা লুপা লিশিং ৫০ মতেং পাংগনি হায়না থাজবা পীরকপগা লোয়ননা বোর্দ অসিগী ঈশৈ লোয়শঙগী কাঙবুনসু অঙম্বা মতেং পাংলকখ্রে হায়রি।
বাংলাদেশতা অসিগুম্বা শঙলেন অসিনা মীতৈগী লেঙদবা য়ুম্বী অমা য়ুংগদৌরিবনা মরম ওইরদুনা মণিপুরদা লৈরিবা লাইনিংথৌ-লৈমরেল অনিগী খুভম য়ারিবা ইমুং খুদিংমক্না অঙম অঙম্বা মতেং পাংবীনবসু আপীল তৌরক্লি। 
সোর্স : হুইয়েন লানপাউ