image

নেসনেল গেমস তরুক্নি শুবা নুমিৎতা মণিপুরনা আর্চারিদা গোল্ড ২ য়াওনা মেদেলে ৪ লৌখ্রে

ইম্ফাল, অক্টোবর ৪: গুজরাটনা য়ূম্বু ওইদুনা চত্থীরবা ৩৬ শুবা নেসনেল গেমসকী ঙসি তরুক্নি চনবা নুমিৎতা মণিপুরনা আর্চারি মশান্নদা গোল্ড ২, সিলভার ১ অমদি ব্রোঞ্জ ১ পূন্না মেদেল ৪ ফংবা ঙমখ্রে।

হৌজিক ফাওবদা মণিপুরনা পূন্না গোল্ড ১৩ সিলভার ৫ অমদি ব্রোঞ্জ ১১ পূন্না মেদেল ২৯ ফংদুনা মেদেল টেলিগী হান্না লৈরম্বা মফমদগী ১ হাইগৎলগা ৬শুবা মফমদা লৈবা ঙমখ্রে। সার্ভিসেসনা নিংথৌকাবা নুমি’ ফাওবদা গোল্ড ৩২, সিলভার ১৮, ব্রোঞ্জ ১৮ পুন্না মেদেল ৬৮ ফংদুনা মেদেল টেলিগী মকোক্তা লৈরি।

আহমেদবাদকী সনকরধাম আর্চারি গ্রাউন্দদা ঙসি শান্নখিবা উইমেন ইন্দিভিজুয়েল ইন্দিয়ান রাউন্দ ইভেন্টকী ফাইনেলদা ষ্টেটকী আর্চার ওক্রম নাওবীনা য়ূম্বু গুজরাটকী আর্চারবু মায়থীবা গোল্ড মেদেল ফংবা ঙমখি। নাওবী অমদি গুজরাটকী আর্চার অনীনা পোইন্ট ৫/৫ ফংলগা টাই তাবদগী মখা তাবা শুটআউটতা নাওবীনা সেন্টার নক্না কাপ্পা ঙম্বদগী গোল্ড ফংখিবনি।

ইভেন্ট অসিগী ব্রোঞ্জ মেদেল মেটচতা এল রোজিনানা বিহারগী আর্চারবু পোইন্ট ৭-১দা মায়থীবা পীদুনা ব্রোঞ্জ মেদেল ফংবা ঙমখি।

ইন্দিয়ান রাউন্দ মেন্স টিম ইভেন্টকী ফাইনেল ষ্টেটকী আর্চার সী ঐচ নেলসন, এম চিঙ্খৈ, কে বোরিশ অমদি এল নাওতোননা সার্ভিসেসকী আর্চারশিংবু ৬-০ মায়থীবা পীদুনা গোল্ড মেদেল ফংবা ঙমখি। ইন্দিয়ান রাউন্দ উইমেন্স টিম ইভেন্ট ফাইনেলদা মণিপুরনা কেরালাগী মখূৎতা ৩-৫ দা মায়থীহৌদুনা সিলভার মেদেল ফংবা ঙমখি। ষ্টেট উইমেন্স টিম অদুদা শরুক য়াখিভা আর্চারশিং অদুদি দব্লিউ মালেশ্বরী, এল তোমথিনঙানবী, ও নাওবী অমদি এল রোজিনানি।

পনবা য়াবদি, ষ্টেট আর্চার টিমগী ইন্দিয়ান রাউন্দগী নুপাগী কোচ ওইনা এন অর্জুন, নুপীগী কোচ এল গীতাঞ্জলি অদুগা মেনেজারনা এ সোনাচান্দ; কম্পাউন্দ টিমগী কোচনা সী ঐচ শান্তা অমদি রিকার্বকী কোচনা বি গুনিচা অমদি মেনেজারনা এম বাদলনা শরুক য়ারি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু