আপডেট:
image

নিংথিনা দোকুমেন্তেসন তৌবা অমসুং রেকোর্দ থম্বা অসি অফবা খোঙথাং অমনি: চীফ মিনিস্তর

ইম্ফাল, এপ্রিল ১২ : মণিপুর ইনফোর্মেসন কম্মিসন লৈরকপদগী লৌখিবা ৱারেপশিং খোমজিন্দুনা পুথোকপা ‘এ কম্পেদিয়ম ওফ ইমপোর্তেন্স দিসিজন ওব মণিপুর ইনফোর্মেসন কম্মিসন’ হায়না মিং থোনবা লাইরিক অমা ঙসি চীফ মিনিস্তর নোংথোম্বম বীরেন সিংহনা ফোঙবগী থৌরম অমা চীফ মিনিস্তরগী সেক্রেটরিয়েত্তা পাঙথোকখ্রে।

থৌরম অদুদা চীফ মিনিস্তর নোংথোম্বম বীরেন সিংহনা মণিপুর ইনফোর্মেসন কম্মিসনবু থাগৎখি অমসুং নিংথিনা দোকুমেন্তেসন তৌবা অমদি রেকোর্দ থম্বা অসি অফবা খোঙথাং অমনি হায়খি। ওফিসিয়েল দোকুমেন্তেসন তৌবা অমসুং রেকোর্দ থম্বা হায়বসি মরুওই অমদি ওফিসিয়েল গেজেত, দরবারগী ৱারেপ, স্তেত কেবিনেত, এসেমব্লি, এক্টনাচিংবা ওফিসিয়েল দোকুমেন্তশিং খোমজিন্দুনা তুংদা খঙহৌনবা থম্বা মথৌ তাই হায়না চীফ মিনিস্তারনা ফোঙদোকখি।


দোকুমেন্তসন অমসুং অরিবা রেকোর্দশিং অসিগী খূত্থাংদগী ঐখোয়না মতম অমদা মণিপুরদা থোকখিবা থৌদোক ৱাথোকশিংগী অশেংবা অদু খঙবা ঙম্লীবনি। সেত্তিলাইট মেপ্পিংগী খূত্থাংদগী হৌখ্রবা চহীশিংদা অকক্নবা মফম খরদা করি ওইরম্বগে হায়বদু ঐখোয়না থিংথোকপা ঙম্মী অমদি মসিগী খূত্থাংদা দিস্ত্রিক্ত খুদীংমক্কী দোকুমেন্তেসন নিংথিনা তৌবা ঙম্মী।

লেন্দ রেভিনিয়ু রেকোর্দ নিংথিনা দোকুমেন্তেসন তৌবগী তঙাইফদবা ৱাফম পল্লদুনা চীফ মিনিস্তরনা লেন্দ রেকোর্দশিং দিজিতাইজেসন তৌবগী থবক অসি হৌজিক চত্থরি। রাইত তু ইনফোর্মেসন (আর তি আই) লান্না শীজিন্নবগী মায়োক্তসু চীফ মিনিস্তরনা ৱাফম কয়া ফোঙদোকখি।

স্তেত অসিদা লোকঅয়ুক্তা শেমখিবা অসি ত্রান্সপরেন্সি লৈনবা অমসুং মীয়ামদা আশা অমদি মখোয়গী অনীংবা অপাম্বা থুংহন্নবগীদমক শেঞ্জা-থুমজা থিংবা ঙম্লবনি। এন্তি-করাপসন সেলনা লৌরিবা থৌদাংশিংগী মরমদসু মহাক্না ৱা ঙাঙখি। মণিপুর অসি সেন্সিতিব ওইবা অমসুং কমপ্লেক্স ওইবা স্তেত অমনি। খুন্নাই অসিগী সেক্সনশিংগী অপূনবা থম্নবা, অমনা অমবু ইকায়খুম্নবা ঙম্নবা, ৱাখল তানবা অমদি পুন্না থবক তৌমিন্ননবগীদমক মিদিয়া পার্সনশিং য়াওনা পূম্নমক্না মীকুপ নাহুম শিংনা লৈবা মথৌ তাই।

স্তেত অসিনা মায়োক্নরিবা দ্রাগকী ইসুশিংগী মরমদা ৱা ঙাঙলদুনা চীফ মিনিস্তরনা ওফিসিয়েল রেকোর্দকী মতুং ইন্না স্তেত অসিদা দ্রাগ এদিক্ত লাক্ষ ১.৩ হেন্না লৈ। এদিক্তশিং অসি মহৌশাগী পুন্সিদা পুরক্নবা নিংথিনা লায়েংবীবা তঙাইফদে। স্তেত গবর্ণমেন্ত অসিনা গবর্নমেন্ত রিহেব্লিতেসন সেন্টার হেন্না লিংখৎনবা থৌরাং তৌরি। লমদম অসিদা ত্রান্সপরেন্সি অমসুং একউন্তেব্লিতি থম্নবা হোৎনবদা পূম্নমক্না মতেঙ পাংবীয়ু হায়খি।

স্তেত চীফ ইনফোর্মেসন কম্মিস্নার, মণিপুর ওইনাম সুনিলনা হায়, লাইরিক অসি কম্মিসননা পীখিবা জজমেন্তশিং গী খোমজিনবা লাইরিক অমনি অমসুং মসিদা থোইদোক হেন্দোক্না শিংথাব য়ানা তাখিবা জজমেন্তশিং (লেন্দমার্ক জজমেন্তশিং) য়াওরি। ঙসিগী থৌরম অদুদা লো এন্দ লেজিসলেটিব এফিয়ার্স মিনিস্তর থৌনাওজম বসন্ত সিংহ এদিসনেল  চীফ সেক্রেটারি এম ঐচ খান, প্রিন্ত এন্দ ইলেক্ত্রোনিক মিদিয়াগী এদিতরশিং, আর তি আই এক্তিভিস্তশিং শরুক য়াখি।

সোর্স: পোক্নফম   

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: