image

নর্ট সঙ্কীর্তনগী মতাংদা খন্ন নৈনবগী মীফম পাঙথোকখ্রে

ইম্ফাল, সেপ্তেম্বর ২৫ : য়ুনেস্কোগী ইন্টেঞ্জিবল কালচারেল হেরিটেজ ওব হিউমেনিটিগী লিষ্টতা চল্লবা মণিপুরগী নট সঙ্গীর্তনগী মশক নোংমা নোংমগী হোংলক্লিবা অসিগী মতাংদা খন্ন নৈনবগী মীফম অমা ঙসি শ্রী শ্রী গোবিন্দজিগী শঙলেন্দা পাঙথোকখ্রে। মণিপুর নট সঙ্কীর্তন অপুনবা (এমএনএসএ) না শিন্দুনা পাঙথোকখিবা থৌরম অদুগী মনুং চন্না থাবুম ৪ হেল্লক্নবা ইরাং অসিনা মরম ওইরগা থৱায়না পোন্থা পীখ্রবা অথৌবা অথৌবীশিংগী মফমদা ইকায়খুম্নবা উৎখিবগা লোয়ননা অৱাবা ফোঙদোকখি।

ঙসিগী থৌরম অদুদা শরুক য়াখিবা এমএনএসএগী প্রেসিদেন্ট ওইনা থৌ পুরিবা শক্নাইরবা নট সঙ্কীর্তনগী ওজা লৈমপোকপম লাক্ষপতিনা ইপা ইপুশিংনা থম্বীরম্বা নটকী চৎনবী অমদি থকশি খাসিশিং নোংমা নোংমগী মাংশিল্লকপা অসিমক খুনাই অসিগী অমাংবনি। লাইওইখ্রবা ইপা ইপুশিংনা থম্বীরম্বা পুক্কৈশিং অসিগী খোঙ্গুল লিদুনা তুংগী মীরোলশিংদা খঙহনবা ঙম্নবা ঙসিগী মীরোলনা হোৎনমিন্নসি হায়খি।

নাকল অমরোমদা লূপ অসিগী ভাইস প্রেসিদেন্ট এন শ্যামচান্দনা লৈঙাক্না তৌগদবা মথৌ তৌরক্তবা খুল ঙাকপা অমদি মৈরা পায়বীশিংনা ঙমখৈ কন্নবা হোৎনরক্লিবশিং অসি তৌরমদ্রবদি মৈতৈ খুনাই অসি লৈরমদবা য়াই। ইরাং অসিগী অচৌবা চৈথেং নংদুনা খম থেংনা ৱানরিবা অসিদগী কোক্তুনা মহৌশাগুম তংদু লৈতবা পুন্সিরোলদা হঞ্জিন্নবা লুপ অসিনা থৌনিজরি হায়না ফোঙদোকখি।

ঙসিগী থৌরম অদুদা শরুক য়াখিবা লুপ অসিগী ভাইস প্রেসিদেন্ট কেঐচ কির্তিনা মৈহৌরোলদগী লৈরক্নবা নট সঙ্কীর্তনবু মানা মানা পাম্বা মওংদা শেমদোক শাদোক্তুনা মশক থিহন্নবা হোৎনরিবা অসি লেপ্নবা পাউজেনখি।

সোর্স: সঙাই এক্সপ্রেস

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু