ত্রিপুরাদসু ২৮৫ শুবা রাজর্ষি ভাগ্যচন্দ্রগী মপোক কুমওন
আগরতলা, ১৬ জুন, ২০২৫ : মণিপুরাধিপতি রাজর্ষি ভাগ্যচন্দ্রগী চহী ২৮৫ শুবা মপোক কুমওন লাক্লিবা জুন ২১ ত্রিপুরাদা পাঙথোক্কদৌরি। নুমিৎ অসিদা বাংলাদেশ অমসুং মণিপুরদসু পাঙথোক্কনি হায়রি। রাজর্ষি ভাগ্যচন্দ্র কালচারেল ফাউন্ডেশন, মণিপুরনা ত্রিপুরাগী মণিপুরী সাহিত্য পরিষদ, লময়ানবা সংস্থা, মণিপুরী লিটরেরী এ্যন্ড কালচারেল ফোরাম, মরূপ পাউচে, রাধামাধব যুব সমাজ সমিতি অমসুং রাধানগর শ্রীশ্রী রাধামাধবকী পুরোহিত সিজগুরুময়ুম অভি ভট্টাচার্যগী মতেং লৌরগা নোংমগী ওইবা থৌরম অসি রাধানগর শ্রীশ্রী রাধামাধব মন্ডপ মমাংদা খিন্না লৈবা ইনিংথৌ ভাগ্যচন্দ্রগী মীতমদা হৈকৎ-লৈকৎ তম্বগা লোয়ননা মখল কয়াগী থৌরম অমসুং লেকচার প্রোগ্রাম পাঙথোক্কনি।
লেকচার থৌরমদা মণিপুরগী শক্নাইরবা কলমনিষ্ট লামাবম গজেন্দ্র (বৈষ্ণবইজমগী মথক্ত), খুন্দোংবম কুমার (রাজর্ষি ভাগ্যচন্দ্রগী মরমদা), তখেল্লম্বম ইরাবত (সংকীর্ত্তন অমদি রাসকী মরমদ) অদুগা ত্রিপুরাদগী ৱাংখেম বীরমঙ্গলনা চে পাঙথোক্কনি হায়রি।
থৌরমদা খোংজোম পর্ব্ব অসুং মোইরাং পর্ব্ব শক্কনি হায়রি। মপোক কুমওন নুমিৎ অসি মফম অহুম মণিপুর, বাংলাদেশতসু পাঙথোক্কনি অদুগা ত্রিপুরাদা থৌরম পাঙথোক্নবা মণিপুরদগী মীওই ১১না শাবা টিম জুন ২০ দা আগরতলা থুংলরনি।
সোর্স: মরূপ
0 কমেন্ট:
কমেন্ট তৌবিয়ু