ত্রিপুরাগী গৌরনগরদা নুপীলা নুমিৎ পাঙথোকখ্রে
আগরতলা, ১৩ ডিসেম্বর : মণিপুরগী পুৱারীগী লামায়দা ইমা ইবেলশিংগী লীংজেল মান্নবগী শীংথারবা তাঙ্কক অমা ‘নুপীলাল’ নুমিৎ ডিসেম্বর ১২, চহী খুদিং তৌনা খোয়াই জিলা মনুং চনবা গৌরনগর মৈতৈ খুঙ্গংদা ত্রিপুরাদা অমত্তা ঙাইরবা নুপীলাল কমপ্লেক্সতা খিনবা মীতমদা হৈকৎ-লৈকৎ তমদুনা হন্দক চহীগী ৮৫ শুবা নুপীলা নুমিৎ পাঙথোকখ্রে।
তখেল লৈমা তেঙবাং লূপ, মণিপুরী লিটরেরী এ্যন্ড কালচারেল ফোরাম অমসুং গৌরনগর মৈরা পায়বী লূপ অহুমনা শীল্লগা পাঙথোকখিবা হৈকৎ লৈকৎ তম্বগী থৌরম অদুদা ডিষ্ট্রিক্ট অসিগী তোঙান তোঙানবা খুঙ্গংদগী খুঞ্জাশিং অমসুং আগরতলাদগীসু ইমা ইবেল নুপীশিং শরুক য়াখি।
হৈকৎ-লৈকৎ তম্বগী থৌরম অসিগা মরী লৈননা মণিপুরী লিটরেরী এ্যন্ড কালচারেল ফোরাম, ত্রিপুরানা চহী খুদিং ফোঙবা হন্দক চহীগী ৬ শুবা ‘তখেল্লৈ নাচোম’ হায়বা সোভেনির অমসু পুথোকখি। থৌরমগা মরী লৈননা নুপীলাল শৈথা শৈরেংসু পাঙথোকখি।
সোর্স: মরূপ
0 কমেন্ট:
কমেন্ট তৌবিয়ু