ডাঃ শামুঙৌদা ‘নিঙোম্বম ফৈরাবা এৱার্ড
ইম্ফাল, জুন ৭ : ৱার্ল্ড এনভাইরনমেন্ট ডে ২০২৫ গা মরী লৈননা সাহিত্য থৌপাং লুপ মণিপুরনা শীন্দুনা ঙসি জুন তাং ৫, মণিপুর প্রেস ক্লাবতা পাঙথোকখিবা থৌরমদা শক্নাইরবা এনভাইরমেন্টেলিষ্ট ড. খাঙেম্বম শামুঙৌদা চহী অসিগী ওইনা ‘নিঙোম্বম ফৈরাবা এৱার্ড ২০২৫’ লান্থোকখ্রে। ডাঃ শামুঙৌনা এনভাইরমেন্টকা মরী লৈনবা থবকশিংদা কত্থোকপগা লোয়ননা লৌরিবা থৌদাং কয়াবু শক খঙবা ওইনা মনা অসি পীদুনা ইকাইখুম্নবনি।
চহী খুদিং সাথৌলুপনা পীবা মনাসি হন্দক্কীসিনা ৩রক শুবনি। এৱার্ড অসিদা শেল ওইনা লুপা লিশিং তরা, সাইটেশন অমসুং সাল অমা য়াওখি। এৱার্ড লান্থোকপগী থৌরম অদুদা পোত্থারবা আই. এফ. এস টিএইচ মহেন্দ্র প্রতাপ সিংহনা চীফ গেস্ট অদুগা ট্রেভেলার্স ফোরামগী চেয়ারম্যান আরকে বুদ্ধিমন্তনা থৌরম মপু ওইখি।
সোর্সঃ মরূপ
0 কমেন্ট:
কমেন্ট তৌবিয়ু