আপডেট:
image

চহী তরাগী মতুংদা ইম্ফাল-সিলচর ফ্লাইট সার্ভিস হৌখ্রে

গুৱাহাটি, নভেম্বর ২৬ : নোর্থ ইস্ততা কনেক্তিবিটি হেন্না ফগৎহন্দুনা মতম শাংনা মীযাম্না ঙাইনরক্লবা সিলচর-ইম্ফাল ফ্লাইত সার্বিস এলায়েন্স এয়ারনা অমুক নৌনা হৌদোকখ্রে। সিলচর-ইম্ফাল রুটকী ফ্লাইত অসি য়ুনিয়ন গবর্মেন্তকী সাবসিডাইজ রেটতা ফংহন্নবা হৌদোকখিবা রিজনেল কনেক্তিবিতি স্কিম উড়ান (উড়োদেশ কা আম নাগরিক) গী মখাদা পাউখৎপনি।

এলায়েন্স এয়ার ফ্লাইট অসি সিলচর অমসুং ইম্ফালগী মরক্তা নুমিৎ খুদীংগী সার্ভিস লৈগনি। ফ্লাইট অসিনা মণিপুর খক্তা নত্তনা মিজোরামগী কোনুং আইজোল অমসুং নাগলেন্দগী কোনুং দিমাপুরগসু তোঙান-তোঙানবা নুমিৎশিংদা সার্ভিস তৌগনি। সিট কেপাসিটি ৭০ ওইবা এ টি আর ৭২ এয়ারক্রাফট অসি সিলচরদগী নুংথিল পুং ১.০৫ অমসুং ১.৩০ দা ওইগনি। মিনিট ৪৫ চঙনা পাইগদবা ফ্লাইট অসি ইম্ফাল এয়ারপোর্টতা নুংথিল পূং ২.১০ দা য়ৌগনি। ইরাই নুমিত্তা ফ্লাইট অসি পেসেঞ্জার ৩০ পুদুনা সিলচরদগী পাইখি।

মিদিয়াদা ৱা ঙাঙলদুনা সিলচর এয়ারপোর্টতা লৈবা এলায়েন্স এয়ার এভিয়েশনগী ষ্টেশন মেনেজার মিসালা নরসিংহনা হায়, মীয়াম্না খৌরাংনা ঙাইনরম্বা ফ্লাইট সার্ভিস অসি মায় পাক্না হৌবা ঙম্লিবা অসি প্রাইম মিনিষ্টার নরেন্দ্র মোদি অমসুং য়ুনিয়ন সিভিল এভিয়েশন মিনিষ্টার জ্যোতিরাদিত্যা সিন্ধিয়াগী অশানবা মীৎয়েং অমগা লোয়ননা চঙশিল্লকখিবা অদুননি।

সিলচর এম পি রাজদিপ রায়না টুইটারদা থাগৎলকপা ৱারোল অমদা প্রাইম মিনিষ্টার মোদি অমসুং আসামগী চীফ মিনিষ্টার হেমন্ত বিশ্ব শর্ম্মানা পাংখিবা মতেঙ অদুগীদমক্তা থাগৎপা ফোঙদোকখি। ‘চহী তরা লেপ্লুরবা মতুংদা অমুক নৌনা সার্ভিস হৌরকপা অসিনা স্তেতশিং অসিগী মরক্তা লল্লোন-ইতিক, টুরিজম, হেলথ, এদজুকেশনদা হেনগৎহল্লগনি’ হায়না রাজদিপনা টুইট তৌরি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু