ক্ষেত্রিময়ূম য়াইমগী মপোক কুমওন পাঙথোকখ্রে
ইম্ফাল, জানুয়ারি ২৮ : ক্ষেত্রেময়ূম য়াইমা মেমোরিয়েল ত্রাস্তকী অহানবা মপোক কুমওন থৌরম ঙসি ক্বাকৈথেল মোইরাংপুরেল লৈকায়দা লৈবা খোমদ্রাম দোরেন্দ্রগী য়ূমদা পাঙথোকখ্রে।
ক্ষেত্রিময়ূম য়াইমা মেমোরিয়েল ত্রাস্তনা শীন্দুনা পাঙথোকখিবা থৌরম অদুদা মণিপুর স্তেত সোসিয়েল ওয়েলফেয়ার বোর্দকী চেয়ারমেন ওইরম্বী আর কে নয়নসনা, দি এম কলেজ ওব আর্তসকী প্রিন্সিপাল ওইরম্বা প্রোঃ সি ঐচ সিলারমনি অমসুং বিষ্ণুপুর হায়ার সেকেন্দারী স্কুলগী প্রিন্সিপাল ওইরম্বা ৱাহেংবম হেমাবতিনা শরুক য়াখি।
থৌরম অদুগা মরী লৈননা আর কে নয়নসানা হায়, লৈখিদ্রবা ওজা অসি মীয়ামগী লমজিং লমতাকপদা নৎতনা মহৈরোয়শিংবু মতীক চাবা মী অমা ওইহন্নবা হোৎনবদা মশাগী ওইজবা কয়া থাদোক্তুনা লাকখিবা মীশক অমনি। মহৈরোয়শিংনা করিগুম্বা অমা খঙলক্তবা মতমদা ওজা অসিনা ময়ূমদা চৎতুনা খঙনবা তাকপী তম্বীখি হায়খি।
মহাক্না মখা তানা, লমদমসিদা অইবা ওইরবসু লাইরিক ওইনা ফোঙবা ঙমদবা অইবা কয়া লৈরি। মসিগুম্বা অসিদা ওজা অসিগী ত্রাস্ত অসিনা অইবশিং অদুগী লাইরিকশিং অদু ফোঙনবা অঙম্বা থাক্তা হোৎনগনি। লোয়ননা ত্রাস্ত অসিনা পোঙলিবা লাইরিকশিং অদুগী মরক্তগী খনগৎতুনা মনা-মথুমসু পীরগনি হায়না ফোঙদোকখি।
ঙসিগী থৌরম অদুগা মরী লৈননা মণিপুর লেজিস্লেতিবগী এসেমব্লীগী সেক্রেটারি ওইরম্বা মুতুম রমনিনা শৈদিন মপু ওইদুনা লৈবাক নীংবগী শৈরেং শৈদিন্নবগী থৌরম অমসু পাঙথোকখি।
সোর্স: পোক্নফম
0 কমেন্ট:
কমেন্ট তৌবিয়ু