কিরনকুমারনা মণিপুরীদা হন্দোকপা লাইরিক ফোঙখ্রে
ইম্ফাল, সেপ্তেম্বর ৭ : অন্না ফ্রাঙ্ককী ‘দি দাইরী ওব এ য়ং গার্ল’ অসি অইবা নোংমাইথেম কিরনকুমার সিংহনা মণিপুরীদা ‘অন্ন ফ্রাঙ্ক-লৈশাবী মচা অমগী দায়রী’ হায়না হন্দোক্লবা লাইরিক অমা ঙসি রূপমহল থিয়েটারগী অডিটোরিয়ামদা ফোঙখ্রে।
মণিপুরী লিতরেরি সোসাইতি, ইম্ফালনা শীনবা লাইরিক ফোঙবগী থৌরম অদুদা দি কালচারেল ফোরাম মণিপুরগী প্রেসিদেন্ত প্রোফেসার হুইরেম বিহারী সিংহনা অথোইবা লেঙবীরকপা, মণিপুরী লিতরেচর সোসাইটি, ইম্ফালগী ভাইস প্রেসিদেন্ত নাওরেম লোকেস্মর সিংহনা থৌরম মপু, অইবা অমসুং কলম্নিস্ত ক্ষেত্রিময়ূম সান্তনা অখন্নবা লেঙবীরকপা ওইনা শরুক য়াখি।
ঙসি ফোঙখিবা লাইরিক অদুগী মরমদা সাহিত্য একাদেমি এৱার্দি প্রোফেসার থোকচোম ইবোহনবী সিংহনা নৈনরোয় অমা ওইনা ৱা ঙাঙখি।
সোর্স: পোক্নফম
0 কমেন্ট:
কমেন্ট তৌবিয়ু