ইম্ফাল, জুলাই ২ : কমল তোইজাম্বনা ইবা ‘চুরাচান্দপুরদা খুন্দারিবা মৈতৈশিং’ (অনীশুবা শায়োল) হায়না মিংথোনবা লাইরিক অমা ঙসি মণিপুর প্রেস ক্লাবতা ফোঙখ্রে। মণিপুরী সাহিত্য পরিষদকী প্রেসিদেন্ত লোংজম জয়চন্দ্রনা চীফ গেস্ত অমসুং সাহিত্য একাদেমি এৱার্দি কবি য়ূমলেম্বম ইবোমচানা প্রেসিদেন্ত ওইনা শরুক য়াদুনা ফোঙখিবা লাইরিক অদু মণিপুর য়ুনিবার্সিতি ওব কালচারগী এসিস্তেন্ত প্রোফেসারসু ওইরিবা সাহিত্য একাদেমি এৱার্দি দাঃ মাখোনমনি মোংসাবনা রিভিউ তৌখি।

থৌরম অদুদা অইবা কমল তোইজাম্বনা হায়, ঙসি ফোঙলিবা ‘চুরাচান্দপুরদা খুন্দারিবা মৈতৈশিং’ হায়রিবা লাইরিক অসিগী  অহানবা এদিসন অসি চহী ১৪-১৫ গী মমাঙদা ফোঙখ্রে। হন্দক মণিপুরদা থোক্লক্লিবা ঈরাং অসিগা মরী লৈননা চুরাচান্দপুরদা লৈরিবা মৈতৈশিংগী মতাঙদা মীয়ামদা খঙহন্নিংদুনা লাইরিক অসিগী অনীশুবা এদিসন অসি ঙসি ফোঙবনি।

চুরাচান্দপুরদা লৈরিবা মৈতৈশিংগী পুন্সি মহিং, মফম অদুদা লৈরিবা মৈতৈ খুলশিং, মতম মতমগী মৈতৈগী সেন্সস অসি লাইরিক অসিদা ময়েক শেংনা য়াওরি হায়না অইবা অসিনা ফোঙদোকখি।

সোর্স: পোক্নফম