ওফিসিয়েল ল্যাঙ্গুয়েজ ওইনা শক খঙলবা মতুং আসাম কেবিনেটনা মণিপুরী মহৈরোইশিং মীতৈ ময়েক তম্বদসু অয়াবা পীবিরক্লে
আগরতলা, ১৬ মার্চ : মণিপুরী লোল আসাম লৈঙাক্কী এসোসিয়েট ওফিসিয়েল ল্যাঙ্গুয়েজ ওইনা শক খঙবগী চয়োল অনীগী মতুং লৈঙাকনা অমুক লোল অসিগী মীতৈ ময়েকনা লাইরিক তম্বদা অয়াবা পীরকপগী দমক হরাও তয়াম্বা ফোঙদোক্নরক্লি। চৎখিবা মার্চ তাং ১০, আসাম কেবিনেটনা লৌখিবা ৱারেপ অমনা আসামদা লৈরিবা মণিপুরী মহৈরোইশিং মীতৈ ময়েক্না লাইরিক তম্বদা অয়াবা পীবিরকখি।
জয়ন্ত মল্ল বরুৱা
আসামগী মন্ত্রী জয়ন্ত মল্ল বরুৱানা ৱাফম অসি ফোঙলদুনা হায়খি, আসামদা মণিপুরী মহৈরোইশিংবু মণিপুরী ময়েক/মৈতৈ ময়েক তম্বী তাকপীনবা লৈঙাক্না অয়াবা পীরে। মণিপুরী ময়েকনা তম্বী তাকপীনবা কেবিনেটনা লৌবা ৱারেপবু মণিপুরী ল্যাঙ্গুয়েজ প্রোটেকশন কো-অর্ডিনেশন কমিটি, আসামনা হরাও তয়াম্বা ফোঙদোকখ্রে। আসামগী মুখ্যমন্ত্রী ড. হেমন্ত বিশ্বশর্মা অমসুং মহাক্কী মন্ত্রিসভাবু এম. এল. পি. সিনা অৱাংবা থাক্তা অমদি তৌবিমল খঙবা উৎপগা লোয়ননা মণিপুরী লোল অমদি ময়েক অসিবু ইকাইখুম্নবনি হায়না লুপ অসিগী প্রেসিডেন্ট ড. কে এন চান্দনা ফোঙদোকখি হায়রি।
আসামদা খুন্দানা লৈরিবা মণিপুরী খুনাইনা আসাম লৈঙাক্কী তৌবিমলবু কৈদৌনুংদসু কাওফম থোক্তে। ঙসিগী ফীরেপ অসি য়ৌননবা হোৎনবদা লৈঙাক্কী অফিসিয়েল খুদিং মকপুসু তৌবিমল খঙবা উৎলি। মসি এম.এল.পি.সিদা য়াওরিবা মাইফা, আমসু, মণিপুরী সাহিত্য পরিষদ অমদি অতৈ আসামগী সি.এস.ওশিং খুদিংমক্কী ৱাজমনগী খুদোলনি হায়নসু পনখি।
সোর্স: মরূপ
0 কমেন্ট:
কমেন্ট তৌবিয়ু