image

আর কে বুধিমন্তগী কালার্স ওফ পেন্দামিক আর্ট এগজিবিসন লোইশিনখ্রে

ইম্ফাল, ফেব্রুয়ারি ১ ইম্ফালগী কৈশামথোংদা লৈবা আর কে সী এস মিউজিয়ামদা হৌখিবা জানুয়ারি ২৮দগী ফেব্রুয়ারি ১ ফাওবা নুমীৎ মঙানি চুপ্না চত্থরকখিবা কালার্স ওফ পেন্দেমিক কৌবা রাজকুমার বুধিমন্তগী নাইতোম উৎপা এগজিবিসন ঙসি লোইশিনখ্রে হায়না আর কে সী এস আর্ট মিউজিয়ামগী আর কে বুধিমন্তনা থাদোরকপা চেরোল অমনা ফোঙদোরক্লি।

চেরোল অদুনা মখা তারদুনা হায়, নুমীৎ মঙানি চুপ্না চত্থরকখিবা কালার্স ওফ পেন্দেমিক লোইশিনবগী থৌরম অদুদা কৈশামথোং এ সীগী এমএলএ নিশিকান্ত সাপমসু শরুক য়াদুনা পাঙথোক্লিবা কালার্স ওফ পেন্দেমিক আর্ট এগজিবিসন মনুং চন্না থম্লিবা ফোটোশিং অতোপ্পা এগজিবিসনশিংদগী ইতোপ তোপ্পা আর্ট এগজিবিসন অদুগী মহাও অদু চপ চানা ফংবা ঙম্মী। লোয়ননা আর্টিষ্টকী হৈ-শিংবা অমদি আর্টিষ্ট বুধিমন্তগী ৱাখল্লোনবুসু থাগৎলি হায়না ফোঙদোকখি। ঙসিগী আর্ট এগজিবিসন লোইশিনবগী থৌরম অদুদা এগজিবিসন অসি উৎনবা হোৎনবদা শরুক য়াখিবা ভলান্টিয়ারশিংদা সার্টিফিকেট ওফ এপ্রিসিয়েনসু য়েন্থোক্তুনা পূক্নিং থৌগৎখি হায়রি।

জানুয়ারি ২৮দগী আর কে সী এস মিউজিয়ামনা শীন্দুনা পাঙথোরকখিবা আর্ট এগজিবিসন হৌদোকপগী থৌরমদা অথোইবা মীথুংলেনগী ৱারোল পীরদুনা মিনিষ্টার বসন্তকুমারনসু লমদম অসিগী শক্নাইরবা আর কে বুধিমন্তনা কোভিদ পেন্দেমিক মনুংদা পুন্না লাই ৩৩৪ য়েক্তুনা মীয়ামদা উৎলিবা অসি থাগৎনিংঙাইনি হায়না ফোঙদোকখি। লোয়ননা কোভিদ পেন্দেমিক তমথিরবা মতম অদুদা নক্না ৱারী শানবা য়াদবা অমদি ইমুং-মনুংগী মীওই ফাওবা উনবা য়াদবা মতম অদুদা মদুগী খুদোংচাবা লৌদুনা য়েকখিবা লাইশিং অদু আর্ট এগজিবিসন অসিদা আর কে বুধিমন্তনা পুথোক্তুনা মীয়ামদা উৎখিবনি। নুমীৎ মঙানি চুপ্না পাঙথোকখিবা আর্ট এগজিবিসন অদুদা লমদম অসিগী শক্নাইরবা মীওই কয়া লাক্তুনা এগজিবিসন অসি য়েংখি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু