আপডেট:
image

হৈরোল ফাউন্ডেশনগী অনিশুবা মপোক কুমওন পাঙথোকখ্রে  

সিলেট, মার্চ ২০ : ঙরাং ১৯ মার্চ ২০২৩ নোংমাইজিং নুমিৎতা ভানুগাছকী ভানুবিল খুঙ্গংদা থৌরম পরেং কয়াগা লোয়ননা হৈরোল ফাউন্ডেশনগী ২শুবা মপোক কুমওন পাঙথোকখ্রে।
  থৌরমগী অহানবদা মহৈরোয়শিংগী মনুংদা মীতৈ ময়েক চাংয়েং থৌরম, অদুগা অনিশুবা থৌরম ওইনা মীতৈ ময়েক, লোন অমসুং ফুঙ্গাৱারীগী মতাংদা নেনমীফম অমা পাংথোকখি। থৌরম অদুদা বাংলাদেশ মণিপুরী সাহিত্য সংসদকী প্রেসিদেন্ট অইবা এ কে শেরামনা থৌরম মপু, হৈরোল ফাউন্ডেশনগী ফাউন্ডার অমদি থৌবুরেন শিল্পী কন্থৌজমনা থৌরম মপু অদুগা হৈরোল ফাউন্ডেশনগী এডভাইজর কবি খোইরোম ইন্দ্রজিৎ, বাংলাদেশ মণিপুরী প্রাথমিক শিক্ষক সমিতিগী প্রেসিদেন্ট ওজা কুঞ্জরাণী দেবী, জার্নালিস্ট সালেহ এলাহী কুটি অমসুং মুজিবুর রহমান রঞ্জু না অখন্নবা মীথুংলেনশিং ওইনা শরুক য়াখি। লৈনা অমসুং অয়েকপম অঞ্জুনা কনডাক্ট তৌখিবা নৈনমিফম অদুদা হৈরোল ফাউন্ডেশনগী এডভাইজর থাংজম সুখ না ওয়েলকাম স্পিচ পিখি অমদি য়ুমনাম পিবা, নীলধজ সিংহ, বৃন্দা রানী সিনহা, সালাউদ্দিন শুভ  অমসুং আরকে সোমেননা থৌরমগা মরি লৈননা ৱাহৈ কয়া থম্বিখি।
 মথংদা ভানুবিল ড্রামা পার্টিদা য়াওবিরম্বা লৈখিদ্রবা (কৈশাম বীরেন্দ্র সিংহ, আমুসানা দেবী,  সুরেন্দ্র কুমার সিংহ, নীল কৃষ্ণ সিংহ, শশধর সিংহ ও অইবা শান্ত খুমন) অহলশিংবু ইকাইখুম্নবা উৎপগি থৌরম পাংথোকখি অমসুং মীতৈ ময়েক চাংয়েং থৌরমদা মায় পাকপা মহৈরোয়শিংদা মনা য়েন্থোকখি। অদুগা থৌরমগী অরোইবা ওইনা ফজরবা কালচারেল ইভেন্ট  (জগোই, খোংজোম ঈশৈ অমসুং খুবাক ঈশৈ ) অমসু লান্থোকখি। 

 

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: