আপডেট:
image

সাথৌলুপ মণিপুরগী মপোক কুমওন ত্রিপুরাদা সাহিত্য থৌরম পাঙথোকখ্রে

আগরতলা, মার্চ ২৮ : সাহিত্য থৌপাংলুপ (সাথৌলুপ) মণিপুর লিংখৎখিবগী চহী ২০ শুবা মপোক কুমওনগা মরী লৈননা মপান মণিপুরদা অহানবা ওইনা সাহিত্যগী খোঙচৎতা ত্রিপুরাদা সাহিত্যগী থৌরম অমা ঙসি মার্চ ২৮, নজরুল কলাক্ষেত্র একাডেমি হোলদা পাঙথোকখ্রে।

চৎখিবা চহী নভেম্বরদগী চহী চুপ্না পাঙথোক্না লাক্লিবা মখল কয়াগী সাহিত্যগা মরী লৈনবা থৌরমগী শরুক অমা ওইনা ঙসি ত্রিপুরাদা সাহিত্যগী থৌরম অদু পাঙথোকখি। পনবা য়াবদি লুপ অসি ইংকুমজা ২০০৩ নবেম্বর ২৫ দা লিংখৎখিবনি। ঙসি অয়ুক লুপকী এডভাইজর শরতচান্দ থিয়ামগী লমঝিং মখাদা মীহুৎশিংনা অভয়নগরগী পুথিবা লাইফমদা লাই খুরুম্বগা লোয়ননা মন্ডলে (ম্যানমার) দগী লাকপা ঐজ্ঞা চন্দ্রকুমার শর্ম্মানা পুথিবা ওয়েলফেয়ার এ্যন্ড কালচারেল সোসাইটিদা কংশা-শা অমসুং পে খুদোল তম্লম্মী।

থৌরম অদুদা পুথিবা ওয়েলফেয়ারগী থৌবু সিনাম দীপক কুমার সিনহা, সাথৌলূপকী এডভাইজর শরতচান্দ থিয়াম অমসুং পরিষদকী প্রেসিডেন্ট এল বীরমঙ্গল নচিংবা শরুক য়াখি। মথংদা রাধানগরদা লৈবা তখেনগী ঐতিহাসিক শ্রীশ্রী রাধামাধম মন্দিরসু দর্শন তৌখি। মান্ডপতা পাঙথোকখিবা অচম্বা থৌরম অমদা মন্ডলে (ম্যানমার) গী ঐজ্ঞা চন্দ্রকুমার শর্ম্মানা পুরকপা শেনবুং অমা লাইদা কৎখি। শেনবুং অদু লাইসেবা তৌরিবা সিজা গুরুময়ুম অভি ভট্টাচার্যদা খুৎশিন্নখি।

লাইসেবা কমিটি মাইকৈদগী শ্রীশ্রী রাধামাধমকী ফটো খুদোল ওইনা তমখি। থৌরম অদুদা সাহিত্য পরিষদ মাইকৈদগী প্রেসিডেন্ট এল বীরমঙ্গল, ভাইস প্রেসিডেন্ট এস খেলামোহন, এসি; কোনসম অতুল, সিজা মলিনা অদুগা সাথৌলুপকী মাইকৈদগী এডভাইজ শরতচান্দ থিয়াম, লুপকী প্রেসিডেন্ট অমরজিৎ তোংব্রম, রাজকুমার বুদ্ধিমন্ত, সিএইচ রাজকেতন, রাকেশ নাওরেম, ৱাহেংবম কুমারী চনু, লাইশ্রম রোমোলা, সোরোখাইবম দেবেন্দ্র মীতৈ, নামৈরাকপম নন্দিনী চনু, রিতা থোকচোম নচিংবা শরুক য়াখি।

নুংথিলদা সাথৌলুপনা ত্রিপুরাগী মণিপুরী সাহিত্য পরিষদকা খুৎশম্নরগা নোংমগী ওইবা ‘সাহিত্য ফেষ্টিভেল’ অদু চীফ গেষ্ট ওইনা ফুরাইরাৎপম চন্দ্রকুমার শর্ম্মা শরুক য়াখি। পরিষদকী প্রেসিডেন্ট এল বীরমঙ্গলনা ময়াই তাংবল লৌখি অদুগা মণিপুরগী রাজকুমার বুদ্ধিমন্ত অমসুং শরতচান্দ থিয়ামনা গেস্ট অব অনার ওইখি। পরিষদকী সেক্রেটারী টিএইচ নীলকুমারনা ওক্না ৱারোল পীখি। কে সারিতানা কন্ডাক্ট তৌখিবা থৌরমগা মরী লৈননা সিম্পোজিয়ামদা ডব্লিউ বীরমঙ্গল (ত্রিপুরা), ড. সিএইচ রাজকেতন (মণিপুর) অমসুং ড. ডব্লিউ কুমারী চনু (মণিপুর) অমসুং ড. ঙানবী চনুনা তোঙান তোঙানবা পেপার পাথোকখি।

           নোংমগী ওইবা ‘সাহিত্য ফেষ্টিভেল’

সাহিত্য ফেষ্টিভেল থৌরম অদুদা হৌজিক হৌজিক মণিপুরদা থোক্লিবা ঈরাং থৌদোক কয়াদা অইবা অইবীশিংগী থৌদাংদী ৱাফম কয়াসু মমি তাখি। অরোইবদা ত্রিপুরাগী কবি থাংজম রথীন্দ্র সিংহনা চেয়ার লৌরগা অইবা অইবী ২৮ না শৈরেং শৈদিন্নবা থৌরমদা শরুক য়াখি।

সোর্স: মরূপ 

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: