শিংজু ফেষ্টিভেল ২০২২ অসিদা আসাম, ত্রিপুরা অমদি বাংলাদেশকী ষ্টোল লেম্না হাংহল্লগনি
ইম্ফাল, দিসেম্বর ০৯ :
লাক্রিবা দিসেম্বর ২৮দগী মথং চহী জানুয়ারী ৮ ফাওবা নুমীৎ ১২ নি চুপ্না মার্জিং পোলো কমপ্লেক্স হৈঙাংদা পাঙথোক্কদৌরিবা ৬ লকশুবা শিংজু ফেষ্টিভেল ২০২২ অসিদা আসাম, ত্রিপুরা অমদি বাংলাদেশকী ফুদ ষ্টোলশিং অমসুং হেন্দলুম এন্দ হেন্দিক্রাফ্টসকী ষ্টোলশিং লেম্না ফমহন্দুনা চোইজাইননখ্রবা ইরৈচাশিংগী ফিদা অমা পীরগনি হায়না ফেষ্টিভেল কম্মিটিগী চেয়ারমেনসু ওইরিবী ইম্ফাল ইষ্ট জিলা পরিষদকী অধক্ষ্য পি বিমোলানা ফোঙদোকখ্রে হায়না ফেষ্টিভেল কম্মিটি ২০২২ গী কনভিনার রাকেশ নাওরেমনা থাদোরকপা চেরোল অমনা ফোঙদোরক্লি।
ফেষ্টিভেল অসিদা আসাম, ত্রিপুরা অমদি বাংলাদেশকী ইচিং-ইনাওশিংনা শিংজু অমদি হেন্দলুম অমসুং হেন্দিক্রাফ্টকী ষ্টোলশিং হায়দুনা ফম্বীয়ু হায়বা ৱাফম অসি ঙসি অয়ুক কম্মিটি অসিগী মরুওইবা থৌমীশিংনা শিংজু ফেষ্টিভেল ২০২২ পাঙথোক্নবা শেম-শারিবা মার্জিং পোলো কমপ্লেক্স হৈঙাংগী মফম য়েংশিনবা চৎপগী খোঙচৎ অমদা ফোঙদোকখিবনি।
ঙসিগী খোঙচৎ অদুদা ফেষ্টিভেল অসিগী এদভাইজরশিং নাওরোইজম খম্বা লুৱাং, কোঞ্জেংবম জয়ন্ত, ভাইস চেয়ারমেন এস প্রেমলতা, চীফ কনভিনর এল বোবি, কনভিনার রাকেশ নাওরেম, ফেষ্টিভেল দিরেক্টর কোঞ্জেংবম দিলিপ, গ্রোগ্রাম চীফ কোওর্দিনেটর ও সী মৈরা, গ্রোগ্রাম কোওর্দিনেটরশিং এস কে অপানবা, সুরেন্দ্র নিঙোম্বা, ফাইনান্স সেক্রেটারি ৱাইখোম বিহারী, এসিষ্টেন্ট ফাইনান্স সেক্রেটারি কুঞ্জেশ্বর মংশাতাবম, এগজিক্যুটিভ মেম্বার চোংথাম জিবনলতানা চিংবা শরুক য়াখি।
শিংজু য়োখৎপা লূপ (এস ৱাই ও এল) ইম্ফাল মণিপুরগী মীৎয়েং মখাদা শিংজু ফেষ্টিভেল কম্মিটিনা ইবুধৌ মার্জিং খুভম কনবা লূপ হৈঙাংগা খুৎশম্নদুনা তোঙান তোঙানবা নাৎকী ওইবা থৌরম কয়াগা লোয়ননা পাঙথোক্কদৌরিবা ফেষ্টিভেল অসিদা লৈবাক মীয়াম্নসু সার্পোট তৌবীদুনা মপুং ফাহনবীয়ু হায়না চেয়ারমেন পি বিমোলানসু মখা তানা ফোঙদোকখি হায়রি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু