আপডেট:
image

রোমী মীতৈগী ফিল্ম ‘ঐখোয়গী য়ূম’ ইন্টারনেশনেল ফিল্ম ফেষ্টিবেল কেরালাদা এৱার্দ কয়া ফংলে  

ইম্ফাল, দিসেম্বর ১৭: মণিপুরগী মমিং লৈরবা ফিল্মমেকার, ময়াংলাম্বম রোমী মীতৈগী ফিল্ম ‘ঐখোয়গী য়ূম’ ২৭ শুবা ইন্টারনেশনেল ফিল্ম ফেস্তিবেল ওব কেরালা (আই এফ এফ কে) দা এৱার্দ কয় ফংলে হায়না মণিপুর স্তেত ফিল্ম দিবেলপমেন্ত সোসাইটি (এম এস এফ দি এস) গী সেক্রেটারি সঞ্জু বাচস্পতিময়ুমগী চেরোল অমনা হায়রি। রোমী মীতৈগী ফিল্ম ‘ঐখোয়গী য়ূম’ না এফ আই পি আর ই এস সি আই এৱার্দ ফোর বেস্ত ইন্টারনেসনেল ফিল্ম অমসুং এন ই তি পি সি জুরি স্পিসিয়েল মেন্সন এৱার্দ ফংলে।

ফিল্ম অসি লোক্তাক পাৎতা ঙামীশিংনা ইভিক্সন নোটিস মায়োক্নবদা য়ূম্ফম ওইবা, অপীকপা ভিলেজ অমদা গোবেলাইজেসনগী শাফু লাকপদগী মফম অসিদা লৈরিবা মীশিংগী পুন্সিমহিংদা শিংনবা মায়োক্নরকপবু উৎলিবা ফিল্ম অমনি। ‘ঐখোয়গী য়ূম’ ইন্টারনেশনেল কম্পিতিসন্দা জার্মানি, বোলিভিয়া, তাঞ্জেনিয়া, ব্রাজিল, ইরান, ইজরেল, ভিয়েতনাম, তুর্কি, স্পেন্নচিংবদগী লাকপা ফিল্ম ১৪ গা লম্বা তৌখি।

মিনিত ৮৯ শাংবা ফিক্সন ফিচার অসি চিংশুবম শিতল অমসুং রোমী মীতৈনা পুথোকপনি। ফিল্ম অসি মমাঙদা মণিপুর গবর্ণমেন্তকী দিরেক্টরেত ওব আর্ট এন্দ কালচারগী মণিপুর স্তেত ফিল্ম দিবেলপমেন্ত সোসাইতি (এম এস এফ দি এস) না শীনবা ’১৪ শুবা মণিপুর স্তেত ফিল্ম এৱার্দস ২০২২’ দা বেস্ত ফিচার ফিল্ম এৱার্দ ফংখ্রে। ইন্টারনেশনেল ফোরামদা মণিপুরী সিনেমাগী মিংচৎ পুরকপগীদমক রোমী মীতৈ অমসুং মহাক্কী ফিল্ম ক্রু মেম্বারশিং থাগৎলি হায়না এম এস এফ দি এসকী চেরোল অসিনা হায়রি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু