রাইটিং অমসুং কুমদম মনা লান্থোকখ্রে ; ‘মণিপুরী ৱারীমচা নৈনবা’ ফোঙখ্রে
ইম্ফাল, মার্চ ০৫ : ইম্ফালগী ইরাবত ভবনদা পাঙথোকখিবা চীং লেম্লবা থৌরম অমদা প্রোগ্রেসিভ রাইটার্স এসোসিয়েসন মণিপুরনা অইবা মৈ ভগৎতা প্রোগ্রেসিভ রাইটিং মনা, ২০২১-২০২২ অমসুং লাইশ্রম লোইদামতোম্বীদা কুমদম মনা ২০২১-২০২২ লান্থোকখিবগা লোয়ননা শৈরেং শৈদিন্নবগী থৌরম পাঙথোকখ্রে।
মনাশিং অসিদা শেল অমসুং লেংয়ান ফি য়াওনা সাইটেসন অমমম য়াওরি। থৌরম অসি অশৈ লূপকী প্রেসিদেন্ট দিলিপ ময়েংবমনা অথোইবা মীথুংলেন ওইরগা এসোসিয়েসনগী ভাইস প্রেসিদেন্ট নিরমলা রাজকুমারীনা ময়ায় তাংবল লৌখি অদুগা এসোসিয়েসনগী এদভাইজর লাঙ্গোল ইবোয়াইমা, ক্বাদগী প্রেসিদেন্ট সলাম তোম্বা অমসুং ঈ জেদ সী সী কোলকাটাগী মেম্বার থিংবাইজম স্মরণকুমারনা অখন্নবা মীথুংলেনশিং ওইখি।
অমরোমদা, কালচারেল ফোরাম মণিপুরনা ঙসি এম য়ুগী গেষ্ট হাউস ডা. খাইদেম জয়চন্দ্রনা ইবা ‘মণিপুরী ৱারীমচা নৈনবা' হায়বা লাইরিক অমা য়ুনিভার্সিটি অসিগী মণিপুরী দিপার্টমেন্টকী হান্নগী হেদ প্রোফেসর রাজেন তোইজাম্বনা অথোইবা মীথুংলেন ওইদুনা ফোঙখ্রে।
সোর্স: হুইয়েন লানপাউ।
0 কমেন্ট:
কমেন্ট তৌবিয়ু