মীতৈ ময়েক তম্বী তাকপীবগী এৱারনেস প্রোগ্রাম
শিলচর , আগষ্ট, ০৪ : মথং চহী ২০২৫ একাডেমি সেসন্দগী আসামদা মণিপুরী মিডিয়াম স্কুলশিংদা মীতৈ ময়েক তম্বী তাকপীবা হৌরনি। পান্দম অসিদা লৈঙাক্কী ৱারোল মতুং ইন্না বাংলা ময়েক্তা ইবা মণিপুরী টেক্সবুকশিং পুম্নমক মীতৈ ময়েক্তা ওন্থোকপগী থবক চত্থবসু হৌখ্রে। লাক্লিবা অক্টোবর থা গী মনুংদা বাংলা ময়েক্তা মণিপুরী তম্না লাইরিকশিং মীতৈ ময়েক্তা ওন্থোকপগী থবক লোইশিল্লবা য়াই হায়না থাজনরি। মথংগী একাডেমি সেসন ২০২৫ দগী আসামদা মণিপুরী মিডিয়াম স্কুলশিংদা মীতৈ ময়েক্না তম্বী তাকপীবা হৌবগী মতাংদা লৈঙাক্কী নোটিশসু থোকখ্রবনি।
আসামদা ইমালোল অমদি ময়েক কনবা হায়বসি মীতৈ লোলনা ইমালোল ওইরিবা খুদিংমক্কী থৌদাং অমনি হায়না বরাক তম্পাক্তা মরু ওইনা কাছাড়গী মফম মফমদা মণিপুরী খুঙ্গংশিংদা মিলাল আসামগী লমজিং মখাদা মীতৈ ময়েক তম্বী তাকপীবগী থবক লেপ্তনা চত্থরি। মীতৈ ময়েক খঙদবা য়াদে। সরকারগী ওজাগী থবক চঙবদা মীতৈ ময়েক খঙদবা য়াদ্রে হায়বা ৱাফমসি আসামগী শিক্ষা মন্ত্রিনসু ফোঙদোকখিবা লৈখ্রে। টেট পরীক্ষাদসু মীতৈ ময়েক খঙদবা য়াদে হায়রি। মিলাল আসামগী লমজিং মখাদা মীতৈ ময়েক্তা ডিপ্লোমা কোর্স পাশ তৌখ্রবা মখোয়না মরু ওইনা খুঙ্গং খুঙ্গংদা মীতৈ ময়েক তম্বী তাকপীবগী এৱারনেস চত্থবগী থৌদাং লৌরি। মিলাল আসামগী লমজিং মখাদা খুঙ্গং খুঙ্গং খুদিংদা নুমিৎ তরানিগী ওইনা এৱারনেস অসি চত্থরি হায়না মাইফাগী চীফ এডভাইজর শেরাম হেরাজিৎনা হায়রি। হৌজিক ফাওবদা মীতৈ ময়েক তম্বীখিবা মফমশিং অদুদি ১) জয়পুর, ২) শ্রীবার, ৩) লক্ষিপুর খুমন, ৪) সিঙ্গেরবন্দ মুতুম লৈকাই, ৫) খুঞ্জাও মণিপুর, উজান তারাপুর, ৬) জয়পুর মঙ্গলপুর, ৭) বীনাকান্দি, ৮) কামরাঙ্গা অসিনি।
সোর্স: মরূপ
0 কমেন্ট:
কমেন্ট তৌবিয়ু