আপডেট:
image

মাখোনমনি মোংশাবনা ইবা ‘লায়হল্লি’ দ্রামা উৎপগা লোয়ননা এৱার্দ ফংলকখ্রবশিং তরাম্না ওকখ্রে

ইম্ফাল, মার্চ ২৪ : জেএন মনিপুর দান্স একাদেমিদা বানিয়ান রিপর্টোরি থিয়েটরনা পুথোকপা মাখোনমনি মোংশাবনা ইবা, কে এস ঐচ ফজতোন চনুনা দিরেক্সন পীবা ‘লায়হল্লি’ দ্রামা উৎপগা লোয়ননা সঙ্গিৎ নাটক একাদেমি এৱার্দ ফংলকখ্রবা ডা. য়ুম্নাম সদানন্দ অমদি চিংথাম রঞ্জিৎ খুমনবু তরাম্না ওক্তুনা ইকায়খুম্নবা উৎখ্রে।

থৌরম অসিদা অথোইবা মীথুংরেন ওইখিবা ইন্দিয়া লৈঙাক্কী মিনিষ্ট্রি ওফ কালচারগী বোর্দ ওফ গভর্নরস, ই জেদ সি সি কোলকাটাগী মেম্বার বুধা চিংথামনা ফোঙদোকখিবদা মণিপুরদা আর্ট এন্দ কালচার অসি পাক চাউনা লৈবা মরম্না আর্টিষ্টশিংসু মরাং কায়না লৈ। আর্টিষ্টশিং অসিবু তুমিৎ কাংদৌনা খনবীবা মীওই কয়া অমা লমদমসিদা লৈরি। অদুবু হৌজিক্তী চিফ মিনিষ্টরনা তেঙবাং খরা পীবা অসিনা মরম ওইদুনা আর্টিষ্টশিংনা পামজরিবা লমদা মায় পাক্না চংশিনবদা মতেং খরদা ওইরবসু খুদোংচাবা ফংহল্লি।

শান্নরোয় অমনা ফংলিবা কান্নবা অসিগুম্বা লমদমসিগী আর্টিষ্টশিংনা ফংবদি ঙমদ্রি। মতিক ৱাংনা লৈরবা ঐখোয়গী আর্টিষ্টশিংগা শান্নরোয়শিংগা খেন্নরিবা অসিদা লৈঙাক্না করি তৌবীগদৌরিবনো হায়বসি ৱাহং ওইনা হংনরক্লি। আর্ট এন্দ কলচার লোয়শঙগী থবক লৌবা মতমদা আর্টিষ্টিশিংদা অহেনবা মীৎয়েং থমহন্নিংবগী মতাংদসু মরী লৈনবশিংদা অইবা চেরোল পীশিনখিবা লৈখ্রে।

মালেমদা আর্ট এন্দ কলচরনা লমদম অদুগী ত্রেদিসন, কলচরবু পাক শন্না শন্দোক্তুনা মীয়ামদা খঙহল্লি।  আর্টিষ্টশিংনা লৌরিবা থৌদাং অসি অদুক্কী মতিক চাউই। লমদম অমা চাওখৎহনবদা আর্টিষ্টশিংগী থৌদাং য়াম্না চাউই হায়খি। থৌরম মপু ওইখিবা সেনিয়র আর্টিষ্ট ইকুদম ইবোচৌবনা হায়, দ্রামা পানখৎপা হায়বসি য়াম্না লুই। পানখৎকদৌরিবা দ্রামা অদু মীয়াম্না পাম্বা মীয়ামগী পূক্নিংবু শুমহৎপগা লোয়ননা হুমদুনা পুবা ঙম্ননবা হোৎনবা চংই। বনিয়ান রিপর্টোরি থিয়েটরনা অদুগুম্বা মশক নাইবা দ্রামাশিং পুথোকপা ঙম্ননবা হোৎনরি হায়খি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: