বাংলাদেশতা লময়ানবা হিজম ইরাবতকী ১২৮ শুবা মপোক কুমওন পাঙথোকখ্রে
মৌলভীবাজার, ৩০ সেপ্টেম্বর : হৌখিবা চহী কয়াগী মতৌগুম্না হন্দকসু ইন্টিগ্রেটেড মণিপুরী এসোসিয়েশন (ইমা) বাংলাদেশনা মণিপুরী জাতিগী লুচিংপুরেন লময়ানব হিজম ইরাবতগী চহী ১২৮ শুবা মপোক কুমওনগী থৌরম বাংলাদেশকী মৌলভীবাজার জেলাগী মনুং চনবা কমলগঞ্জ উপজেলাগী ভানুবিল মাঝেরগাঁও খুঙ্গংদা য়াম্না চীং-লেম্না পাঙথোকখ্রে।
ফিরাল চিংখৎপিদুনা থৌরম হৌদোকপা
অয়ুক্কি থৌরম পরেংগী অহৌবদা ইরাবত কমপ্লেক্সকী লোয়শং মাংদা- থৌরমগী অথোইবা মীথুংলেন বাংলাদেশকী শক্নাইরবা অইবা এ কে শেরামনা বাংলাদেশকী ন্যাশনাল ফ্ল্যাগ, ইমা বাংলাদেশকী চেয়ারম্যান অহৈবম রনজিৎনা ইমা, বাংলাদেশকী ফ্ল্যাগ অমসুং ইমাগী ভাইস চেয়ারম্যান এল. ইবুংহাল শ্যামলনা মণিপুরী জাতিগী ওইবা মচু তরেৎকী ফিরাল চিংখৎপিদুনা থৌরম হৌদোকপিখি। মথংদা লময়ানবা হিজম ইরাবতকী অমসুং ভানুবিল কৃষক প্রজা আন্দোলনগী মিতমদা হৈকৎ লৈকৎ তমদুন্না ইকাইখুম্নখি হায়রি।
নুংথিলগী থৌরম পরেংগী তাঙ্ককতা ইমাগী চেয়ারম্যান অহৈবম রনজিৎনা ময়ায় তাংবল লৌরগা অয়েকপম অঞ্জু অমসুং খুন্দ্রাকপম সমেন্দ্রনা কনডাক্ট তৌখিবা নৈন মীফমদুদা বাংলাদেশ মণিপুরী সাহিত্য সংসদকী প্রেসিডেন্ট অইবা এ কে শেরামনা চিফ গেস্ট অমসুং মণিপুরী কালচারাল কমপ্লেক্সকী প্রেসিডেন্ট এল. জয়ন্ত কুমার সিংহ অমসুং বাংলাদেশ মণিপুরী সাহিত্য সংসদ, কমলগঞ্জ ব্রাঞ্চকী প্রেসিডেন্ট এম. বীরেন্দ্রনা স্পেশাল গেস্ট ওইখি।
লময়ানবা হিজম ইরাবতকী মরমদা নৈনদুনা অতৈসু ৱা ঙাঙবিখি য়ূম্নাম নৃপেন্দ্র সিংহ, সুনীল খুমন, এল. ইবুংহাল সিংহ শ্যামল, রাধাবতী দেবী অমসুং সৌদামিনী শর্মা।
কম্পিটিশনদা মায় পাক্লবা মহৈরোয়শিংদা সার্টিফিকেট, ক্রেস্ট অমসুং মনা য়েন্থোকপা
অরোইবা তাঙ্ককতা মমাঙথাবদা হিজম ইরাবতকী মমি য়েকপা অমসুং শৈরেং শৈদিন্নবগী চাংদম্নবা অমসুং কুইজ কম্পিটিশনদা মায় পাক্লবা মহৈরোয়শিংদা সার্টিফিকেট, ক্রেস্ট অমসুং মনা য়েন্থোকখি। শৈরেং শৈদিন্নবগী চাংদম্নবদা তেতইগাঁও খুঙ্গংগী লৈফ্রাকপম থোইবীনা অহানবা ওইখি, কোনাগাঁও খুঙ্গংগী লমজিংবী লৈনানা সেকেন্ড অমসুং নয়াপত্তন খুঙ্গংগী রেইনবো নাওরেম না থার্ড তাখি। কুইজ কম্পিটিশনদা মথংমনাও ওইনা ভানুবিল খুঙ্গংগী নিভারানী সিনহা, অন্তরা শর্ম্মা, সুপর্না সিনহা।হিজম ইরাবতকী মমি য়েকপদা মথংমনাও ওইনা এ গ্রুপতগী ভানুবিল খুঙ্গংগী ৱারেপ্পম লোইয়ুম্বা, গঙ্গানগর খুঙ্গংগী নিপুন সিংহ নিশান, নয়াপত্তন খুঙ্গংগী চিন্ময় থোঙাম অমসুং বি গ্রুপতগী ছনগাঁও খুঙ্গংগী পাইখোম্বা চনু, ভানুবিল খুঙ্গংগী পুন্সিবা লুওয়াং, নয়াপত্তন খুঙ্গংগী এথিনা সিনহা না থোইখি হায়রি।
অরোইবদা মৈতৈ শিন্মী থৌমীশিংগী ৱা য়াম্না খল্লম্বা জননেতা হিজম ইরাবতকী মপোক কুমওনগা মরী লৈননা লমদমশিগী নুপী নিপা শিন্মী অমসুং লৌমী ৮৬ বু লেংয়ান অমসুং মনা পীদুনা ইকাইখুম্নখি।
0 কমেন্ট:
কমেন্ট তৌবিয়ু