বাংলাদেশতা ইমালোনগী নুমিৎ পাংথোকপগা লোয়ননা লাইরিক ফোঙখ্রে
সিলেট, সেপ্টেম্বর ০৫ : ঙরাং ইরাই নুমিৎ, সেপ্টেম্বর ৪ অয়ুক পুং তরা তাবা মতমদা মণিপুরী কালচারাল কমপ্লেক্স, তেতইগাঁও, বাংলাদেশতা ইমালোনগী নুমিৎ থৌরম পাংথোকখিবগা লোয়ননা বাংলাদেশকী শক্নাইরবা অইবা কবি এ কে শেরাম অমসুং মণিপুরগী শক্নাইরবী অইবী আরকে নয়নসানা না ইবা তোঙান তোঙান্বা লাইরিক অনি ফোঙখিবগা লোয়ননা মহৈরোই ৫০ রোম শরুক য়াদুনা মীতৈ ময়েক ইবগী চাংয়েং পাঙথোকখ্রে হায়রি।
অথোইবা মীথুংলেন প্রোফেসার ডাঃ মোহম্মদ আসাদ্দুজ্জামানদা ক্রেষ্ট পিদুনা ইকায়খুম্নবা উৎখিবা
মণিপুরী ভাষা গবেষণা ও উন্নয়ন সংস্থা লূপনা শিনখিবা থৌরম অদু অয়েকপম অন্জু না ক্ডাক্ট তৌরদুনা লূপ অসিগী প্রেসিডেন্ট এ কে শেরামনা থৌরম মপু ওইখি। থৌরম অদুদা ইন্টরনসেনেল মার্দর লেংগোইজ ইন্সটিট্যুট, ঢাকাগী দিরেক্টর প্রোফেসার ডাঃ মোহম্মদ আসাদ্দুজ্জামান না অথোইবা মীথুংলেন, ইন্সটিট্যুট অসিমক্কী এদিসনেল দিরেক্টর আবুল কালাম অমদি পেট্রোইটিক রাইট্স ফোরম মণিপুরগী সেক্রেটরি রাকেশ নাওরেম ২না অখন্নবা মীথুংলেন ওইনা শরুক য়াখি হায়রি। থৌরম অদুদা অতৈগসু অখন্ননা ৱা ঙাংখি কবি সাজ্জাদুল হক স্বপন অমসুং ওইনাম পামহৈবা।
থৌরম অদুদা ফোঙখিবা লাইরিক অদুদি শক্নাইরবা অইবা কবি এ কে শেরামগী বসন্ত কুন্নীপালগী লৈরাং (শৈরেং), নোঙ্গৌবী (ৱারীমচা), লম্মাংনবা (নোভেল) হায়না মিংথোন্বা লাইরিক অসিগী অপুন্বা মীতৈ ময়েক লাইরিকনি। লাইরিক ৩ অসিবু মীতৈ ময়েক্তা ইথোকপা অমসুং অফোঙবনা মণিপুরগী অইবা রাকেশ নাউরেমনি।
মহৈরোইশিংনা মীতৈ ময়েক ইবগী চাংয়েংবগী থৌরমগী মতাং অমা
থৌরমগী মনুং চন্না ফোঙখিবা অতোপ্পা লাইরিক অদুদি, মণিপুরগী শক্নাইরবী অইবী আরকে নয়নসানাগী ইবা ৱারীমচা ১৭কী লাইরিক 'সনরিক পরিং'বু শক্নাইরবা অইবা অমদি স্কোলর সনসম উমানন্দনা ইংলিশ লোল দা হন্দোকপা লাইরিকনি। লাইরিক অসিসু অইবা রাকেশ নাওরেমনা পব্লিসর ওইদুনা ফোঙবা লাইরিকনি। লাইরিক ২ অসি পেট্রোইটিক রাইটর্স ফোরম মণিপুরগী বেনর মখাদা ফোঙবা লাইরিকনি হায়রি।
থৌরমগী মনুং চন্না মীতৈ ময়েক ইবগী চাংয়েংবগী থৌরম অমসু পাঙথোকপগা লোয়ননা কম্পিটিসন অসিগী মকোক-মথং তারবা মহৈরোইশিংদসু মনা-মথুম পীদুনা ইকাই খুম্নবা উৎখি হায়রি।
থৌরমগী অরোইবদা মখল মথেল কয়াগী কালচার প্রোগ্রামসু উৎতুনা থৌরম অদু লোইশিনখি হায়না সিলেটতগী ফংবা পাউ অসিনা হায়রি।
0 কমেন্ট:
কমেন্ট তৌবিয়ু