আপডেট:
image

বাংলাদেশকী ভানুগাছতা ইন্দো-বাংলা মণিপুরী চৈরাওবা ফেস্টিভেল পাংথোকখ্রে

সিলেট, মার্চ ২৩ : ইন্দো-বাংলা মণিপুরী চৈরাওবা ফেস্টিভেল ওর্গানাইজিং কমিটি না শিনলাংদুনা ঙরাং ২২ মার্চ ২০২৩ নোংমাইজিং নুমিৎতা বাংলাদেশকী মৌলভীবাজার ডিস্ট্রিক্টকি কমলগঞ্জ উপজেলা  (ময়াম্না ভানুগাছ হায়না খংনবা ) মনুং চন্না লৈবা আদমপুর বাজারগী কোনাগাঁওদা ইন্দো-বাংলা মণিপুরী চৈরাওবা ফেস্টিভেল পাংথোকখ্রে। 

ফেষ্টিভেলগী শরুক অমা ওইনা চৎখিবা `আনন্দ শোভাযাত্রা'

আদমপুর ইউনিয়নগী ইউপি চেয়ারম্যান জনাব আব্দাল হোসেন অমদি ড. নাওরেম সানাতোম্বা সিংহনা নেশন্যাল এনথেমগা লোয়ননা ফিরাল চিংখৎতুনা ফেষ্টিভেল অসি হৌদোকখি। শজিবু চৈরাওবগী হরাও-নুঙাইবা থৌরম কয়াগা লোয়ননা পাংথোকখিবা ইন্দো-বাংলা মণিপুরী চৈরাওবা ফেস্টিভেলগী নৈন-মিফম অদুদা মিফম মপু ওইনা  ইন্দো-বাংলা মণিপুরী চৈরাওবা ফেস্টিভেল ওর্গানাইজিং কমিটিগী প্রেসিডেন্ট থৌনাওজম নিরঞ্জন সিংহ অমদি চিফ গেষ্ট  ওইনা ড,খলীকুজ্জমান আহমেদ, চেয়ারম্যান, পল্লী কর্ম সহায়ক ফাউন্ডেশন অমসুং স্পিশিয়েল গেষ্ট ওইনা  মণিপুরদগী লেংবিরকপা ওজা ড. নাওরেম সনাতোম্বা, এসিস্টেন্ট প্রফেসর, মণিপুর ইউনিভার্সিটি, সাপম হেমন্ত সিংহ, এসিস্টেন্ট প্রফেসর, ওয়াইখোম মনি গার্লস কলেজ, সানাসম সেঙ্গোই সিংহ, এসিস্টেন্ট প্রফেসর, ওয়াইখোম মনি গার্লস কলেজ, ড. কোন্থৌজম বিমলা দেবী এসিস্টেন্ট প্রফেসর সি আই কলেজ, মিস্টার আবদাল হোসেন, চেয়ারম্যান, আদমপুর ইউপি, সন্ঞ্জয় চক্রবর্তী,  অফিসার ইনচার্জ, কমলগঞ্জ থানা শরুক য়াখি।

কমিটিগী মায়কৈদগী ওজা অহুমবু ঈকায় খুম্নবা উৎপগী থৌরম 

নৈন মীফম মমাংদা হৌনবী মতুং ইন্না শরোয় খাংবা, মথংদা খুঞ্জা কয়াদগী মৌ ওইবীশিং লীকোন শান্নবগী কম্পিটিসনদসু শরুক য়াখি। লোয়ননা ইন্টারন্যাশনাল সেমিনার অমসু পাংথোকখি মথংদা থবক থৌরম কয়াদা মায় পাক্না মীয়ামগী সেবা তৌবিরিবা ওজা এস সি সিনহা, ওজা নামৈরাকপম বিদ্যামনি সিংহ অমদি ওজা বৃন্দারানী সিনহাবু ইন্দো-বাংলা মণিপুরী চৈরাওবা ফেস্টিভেল ওর্গানাইজিং কমিটিগী মায়কৈদগী  ঈকায় খুম্নবা উৎখি। 

অরোয়বদা থাবল চোংবগী থৌরমনা নোংমগী পাংথোকপা ফেষ্টিভেলগী থৌরম লোয়শনখি।

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: