পেট্রিওটিক রাইটার্স ফোরামনা কৎপা হোজাইদা মীতম অনী হাংদোকখ্রে
মরূপ পাউচে, ১৩ ডিসেম্বর: মণিপুরগী ৱাংমদা পেত্রিওটিক রাইটার্স ফোরামনা হোজাইদা হিজম ইরাবত অমসুং নুপীলালগী মীতম অনী খিনখ্রে। ঙসি ডিসেম্বর ১২, ফোরামনা মণিপুরী উইমেন লিটরেরী এ্যন্ড কালচারেল ওর্গানাইজেশন হোজাইগা খুৎশম্নরগা পাঙথোকখিবা নুপীলাল থৌরমগা মরী লৈননা গোবিন্দপুরদা নুপীলালগী মীতম খিনখ্রে।
মসিগী মমাং ডিসেম্বর ১০, নন্দপুর মীতৈ খুঙ্গংদা খিনখিবা ইরাবতকী মীতম মণিপুরগী ৱাংমদা ফোরামনা কৎপা অহুমশুবা মীতমনি। মীতম মায়খুম হাংদোকপগী থৌরমদা ফোরামগী হান্নগী প্রেসিডেন্ট ড. খ্বাইরাকপম য়াইস্কুল, হৌজিক্কী প্রেসিডেন্ট নাউরোইবম খম্বা লুৱাং, মণিপুরী উইমেন লিটরেরী এ্যন্ড কলচারেল ওর্গানাইজেশনগী ফাউন্ডার প্রেসিডেন্ট রেনুকা য়ুম্নাম, এম. ডব্লিউ. এল. সি. ওগী প্রেসিডেন্ট এইচ কুঞ্জবতি, ল্যান্ড ডোনার থাংজম ইরাবোত, রাইটার্স ফোরামগী ফাউন্ডর সেক্রেটারী ও.সি মৈরা, হৌজিক্কী সেক্রেটারী রাকেশ নাওরেম, ফোরাম অসিগী ত্রিপুরা ব্রাঞ্চকী এডভাইজর ক্ষেত্রিময়ুম মাধবী, ড. য়েংখোম ভাগ্যচন্দ্র নচিংবা থৌরমদা শরুক য়াখি হায়রি।
সোর্স: মরূপ
0 কমেন্ট:
কমেন্ট তৌবিয়ু