পি.এ.ডব্লিউ.এফ ত্রিপুরা ব্রাঞ্চকী থৌরমদা মশক নাইরবা মীওই কয়া ইকাইখুম্নখ্রে
আগরতলা, এপ্রিল ১৬ : পেট্রিওটিক রাইটার্স ফোরাম, ত্রিপুরা ব্রাঞ্চ লিংখৎখিবা চহী ১৩ শুবা কুমওন গা মরী লৈননা চৎখিবা এপ্রিল ১১, সুপারী বাগানদা লৈবা দশরথ দেব মেমোরিয়েল অডিটরিয়মদা মখল মথেলগী থৌরম কয়াগা লোয়ননা পাঙথোকখ্রে।
ফোরামগী প্রেসিডেন্ট এন খম্বা লুৱাংনা মৈরা চুখত্তুনা হৌদোকখি। ত্রিপুরা ব্রাঞ্চ প্রেসিডেন্ট ক্ষেত্রিময়ুম মাধবীনা থৌরম মপু ওইরগা চীফ গেষ্ট ওইনা মণিপুরী সাহিত্য পরিষদ, ত্রিপুরাগী প্রেসিডেন্ট এল বীরমঙ্গল শরুক য়াখি। গেষ্ট অব অনার সোসেল এক্টিভিষ্ট কোনসম মাইকেল, ফোরামগী সেক্রেটারী রাকেশ নাওরেম শরুক য়াখি।
থৌরমগী অহানবমক্তদা হন্দক্তা বিষেনপুর ত্রোংলাউবীদা থোকখিবা থৌদোক অদুদা লৈখিদবা অঙাং অনী গী থৱাইনা মপুগী নাক্তা ঈংনা চীক্না লৈরুনবা থৌনিজখি। থৌরমগা মরী লৈননা উজ্জয়ন্ত স্টেট ম্যুজিয়মগী মণিপুর কোর্নারদা থম্নবা পেনা অমা ফোরমগী মেম্বর য়েংখোম ভৈগ্য চন্দ্রনা কৎতুনা ত্রিপুরা ব্রাঞ্চতা শিন্নখি। থৌরমদা মণিপুর, আসাম অমসুং ত্রিপুরাগী মশক নাইরবা মীওই খরবু ইকাইখুম্নখি।
অনীশুবা তাঙ্কককী থৌরমদা সাহিত্য একাডেমি ত্রিপুরাগী মেম্বর খোইস্নাম ওংবী বীরলানা মোডেরেটর ওইদুনা কবি ১০ না মশা মশানা ইবা শৈরেং পাথোকখি। অরোইবদা মমিং লৈরবী ফোক্ সিংগার বিনিতা লাইশ্রম য়াওনা ত্রিপুরাগী কলাকারশিং মরক্তা কলচরেল এক্সচেঞ্জ থৌরম অমসু পাঙথোকখি। থৌরম অদুদা শিবজয়, অন্যয় নচিংবা তোঙান তোঙানবা কালচারেল টিম শরুক য়াখি।
সোর্স : মরূপ
0 কমেন্ট:
কমেন্ট তৌবিয়ু