image

নৃত্যগুরু নবকুমার ঠাকুরগী মশুনিপা পি রমেন্দ্রবু রবীন্দ্র পরিষদনা ওকখ্রে

আগরতলা, এপ্রিল ২১ : ত্রিপুরা রবীন্দ্র পরিষদ না চহী খুদিং তৌনা হন্দকসু বাংলাগী অনৌবা চহীবু ওকপগা (বর্ষবরণ) লোয়ননা গুণীজন খরবু সংবর্ধনা তৌখ্রে। চৎখিবা এপ্রিল ১৫ (পয়লা বৈশাখ) পরিষদকী দক্ষিনী গৃহদা পাঙথোকখিবা অনৌবা চহীবু ওকপগী থৌরমদা নৃত্যগুরু পাঙনবম রমেন্দ্র কুমার সিংহ, স্যন্দন পত্রিকাগী ইডিটর সুবল কুমার দে অমসুং আর্টিষ্ট স্বপন নন্দী অহুমবু ত্রিপুরা রবীন্দ্র পরিষদনা সংবর্ধনা তৌখি।

পাঙনবম রমেন্দ্র কুমার

পাঙনবম রমেন্দ্র কুমার ইং ১৯৫২ গী জানুয়ারী তাং ২০ দা মুম্বাইগী বড়িবলি হায়বা মফম অমদা পোকই। মচিল মনাও মঙাগী (নিপা মরি-সমরেন্দ্র, সুশীল, রঘুবীর অমসুং নুপী ১ অনুরাধা) মনুংদা মহাক্না য়াইমানি, মচন নুপী হৌজিক দিল্লীদা লৈ। জগোই ঈশৈ সংস্কৃতি ইমুংদগী হৌরকপা পাঙনবম রমেন্দ্র কুমার সিংহ অঙাং ওইরিঙৈদগী মপুধৌ নৃত্যগুরু পাঙনবম নবকুমার ঠাকুর অমদি মপাবুং পাঙনবম নরেন্দ্রগী খুদাং পায়রদুনা জগোই অমসুং পুং-ঈশৈ তম্বা হৌখি।

পনবা য়াবদি তখেন নিংথৌ বীরেন্দ্র কিশোরগী য়াথং মতুং ইন্না ইং ১৯১৯ দা ত্রিপুরাদগী নৃত্যগুরু রাজকুমার বুদ্ধিমন্তনা গুরুদেব রবীন্দ্রনাথ ঠাকুরগী শান্তি নিকেতনদা অহানবা মণিপুরী জগোই ক্লাস হাংখি মথংদা ইং ১৯২৪ দা পাঙনবম নবকুমার ঠাকুরনা মাগী মনাও পাঙনবম বৈকুন্ঠ সিংহ অমসুং মচা নিপা পাঙনবম নরেন্দ্র কুমার য়াওনা পুন্না শান্তিনিকেতনদা মণিপুরী জগোই ঈশৈগী অচৌবা থৌদাং লৌদুনা লাকখি।

মপুধৌ অমসুং মপাবুং লৈখিদ্রবা মতুং দিল্লীগী ভারতী বিদ্যাভবন, ভারতীয় কলাক্ষেত্র, সঙ্গীত কলা পরিষদ, ভারতীয় সঙ্গীত নিকেতন নচিংবা তোঙানা তোঙানবা ইন্সটিট্যুট অরোইবদা পাঙনবম রমেন্দ্র ইং ২০০৯ দা গীতাঞ্জলি কালচারেল ওর্গানাইজেশন্দগী থবক্তগী পোত্থাখি। ইং ১৯৫৬ দা মহাক্কী পারী-পুরী হৌরকফম ত্রিপুরাদা অহানবা লাকখি। ইং ১৯৭৫ দা নারান খামারগী নিংঙোলগা পুন্সি লৈপুনখি। ইং ১৯৮৫ অমসুং ইং ২০১১ দা ত্রিপুরাদা লাকখি। মহাক হৌজিক আগরতলা বড়জলা খুঙ্গংদা লৈরি।

সোর্স : মরূপ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু