নিংথৌ গম্ভীর সিংহগী খূভম শানবা ৱারেপ লৌখ্রে
সিলেট, জুলাই ১৫ : নিংথৌ গম্ভীর সিংহনা শীজিন্নরম্বা ময়াম্বু ঙাকশেনবগা লোয়ননা থোইদোক হেন্দোক্না চাওখৎহনবগীদমক জুলাই ১২ গী অয়ুক পূং ১১ তাবা মতমদা নিংথৌ মশামক্না চহী খরা লৈরম্বা মফম হায়বদি সিলেট, বাংলাদেশকী কোনুং লৈকায় মীয়াম্ন মণিপুরী রাজবাড়ী হায়না খঙনরবা মফম অসিদা লৈরিবা গুরুময়ূম অশোক শর্ম্মাগী য়ূমদা মীয়ামগী ওইবা মীফম অমা পাঙথোকখ্রে।
গুরুময়ূম অশোক শর্ম্মানা প্রিসাইদ তৌখিবা মীফম অদুদা শরুক য়াখিবশিংনা কূপ্না খন্ন-নৈনরবা মতুংদা ৱারেপ খরসু লৌখ্রে। ৱারেপশিং অদুগী মনুংদা মহারাজ গম্ভীর সিংহ দিবলপমেন্ত ফাউন্দেসন কৌবা কমিতি অমা শেম্বা। কমিতি অসিগী চেয়ারমেন্না গুরুময়ূম অশোক শর্ম্মা অদুগা সেক্রেতরী জেনারেলনা মাইবম উত্তম সিংহ রতন অমসুং ফাইনান্স সেক্রেতরীনা ওইনাম চিংলেন্না ওইবদা য়ানরে।
নিংথৌ গম্ভীর সিংহগী খূবম অমা খিনবা। নিংথৌ গম্ভীর সিংহগী মিংদা ধর্মশলা (গেস্ত হাউস) অমা শাগৎপা।
হরিশয়নগী মতুং নুমিৎ ৭ নিদগী ১০ নি বগী মনুংদা নিংথৌ গম্ভীর সিংহগী খূভম খিনবগী মথৌ তাবা থৌরাং হৌননবা অমসুং গেস্ত হাউস অসি শাগৎপগী দিজাইন অমসুং স্তিমেতনচিংবা মথৌ তাবা থবকশিং পাঙথোক্নবগীদমক কমিতি অসিগী সেক্রেতরী জেনরেল মাইবাম উত্তম সিংহ রতন অমদি ফাইনান্স সেক্রেতরী ওইনাম চিংলেন সিংহ অনীদা মরুওইবা থৌদাং শিন্নবা খূভম অমদি গেস্ত হাউস অসি শাগৎপগী মফম য়েংবগী ৱারেপশিং অসিনি।
সোর্স: পোক্নফম
0 কমেন্ট:
কমেন্ট তৌবিয়ু