ধর্মনগরদা ভাগ্যচন্দ্রগী ২৮৬শুবা মপোক নুমিৎ
আগরতলা, মে ২০: মণিপুরাধিপতি রাজর্ষি ভাগ্যচন্দ্রগী চহী ২৮৬ শুবা পোকপগী নুমিৎ হন্দক চহী ত্রিপুরাগী অৱাং জিলাগী ধর্মনগরদা পাঙথোক্কদৌরি। চহী খুদিং রাজর্ষি ভাগ্যচন্দ্র কলচরেল ফাউন্ডেশন, মণিপুরনা জুনগী তাং ২১ রাজর্ষিগী পোকপা নুমিৎ পাঙথোক্তুনা
লাক্লি।
ত্রিপুরাদা হন্দক চহী ২৮৬ বার্থ এনিভার্সেরী সেলেব্রেশন কমিটি অব রাজর্ষি ভাগ্যচন্দ্র, ধর্মনগর, নর্থ ত্রিপুরাগা খুৎশম্নরগা জুন তাং ২০ অমসুং ২১ নুমিৎ নিনি চুপ্পা মনতলা দা ভাগ্যচন্দ্রগী মীতমদা হৈকৎ-লৈকৎ তম্বগা লোয়ননা সেমিনার, সংকীর্তন নচিংবা রাজবাড়ীদা মখল মথেলগী থৌরম কয়াসু পাঙথোক্কনি হায়রি। ইম্ফালদগী ফাউন্ডেশনগী থৌবুরেন তখেল্লম্বম ইরাবৎনা লুচিংবা মীহুৎ কাঙবু অমনা থৌরমসি মতিক চানা পাঙথোকপা ঙম্ননবা ধর্মনগর অমসুং আগরতলাদা থৌরাং য়াৎথোকপগী মীটিংসু পাঙথোকখ্রে হায়রি।
সোর্স - মরূপ
0 কমেন্ট:
কমেন্ট তৌবিয়ু