ত্রিপুরাদা মণিপুরী লোলগী নুমিৎ থৌরম পাঙথোকখ্রে
ইম্ফাল, আগস্ত ৩১: ঈশিং ঈচাউনা মরম ওইদুনা মতম খরদি য়ৈথোক্লুবা মণিপুরী লোলগী নুমিৎ থৌরম ঙসি ত্রিপুরাগী নারান খামারদা পাঙথোকখ্রে। নারান খামার অপূনবা লূপ অমসুং মণিপুরগী পেত্রিওটিক রাইটার্স ফোরম অনীনা খূৎশম্নরগা নারান খামার স্কুল লম্পাক্তা লোলগী নুমিৎকা মরী লৈনবা থৌরম পাঙথোকখি।
থৌরম অদুদা পেত্রিওতিক রাইটার্স ফোরাম ইম্ফালগী প্রেসিদেন্ত খম্বা লুৱাংনা চীফ গেস্ত অদুগা মণিপুরী সাহিত্য পরিষদ ত্রিপুরাগী প্রেসিদেন্ত এল বীরমঙ্গল, ফোরামগী সেক্রেতরি রাকেশ নাওরেম, দাঃ ৱাই কিরন, ও সি মৈরা, লময়ানবা ত্রিপুরাগী সেক্রেতরি ক্ষেত্রিময়ূম মাধবীনচিংবনা গেস্ত ওব ওনার ওইনা শরুক য়াখি।
থৌরম অদুদা খুন্নাইগী শক্নাইরবা নট সঙ্গীর্তন্দা গুরুময়ুম নিতাই শর্ম্মা, এল বোরোদা কান্ত সিংহ য়াওনা মহৈরোয় খরসু ওকখি। কবি খোইস্নাম বিরোলানা মোদরেতর ওইরগা শৈরেং শৈদিন্নবা থৌরম অমসু পাঙথোকখি হায়রি।
সোর্স: পোক্নফম
0 কমেন্ট:
কমেন্ট তৌবিয়ু