ত্রিপুরাদা তারিবা মৈতৈশিংনা মশাগী মিংদা য়ূম্নাক হাপ্তবা তৌবিগনু, ইশাগী আইদেন্তিতি ঙাকসি: গঙ্গা প্রসাদ প্রসেন
ইম্ফাল, মে ২০ : ত্রিপুরাদ তারিবা মৈতৈ খরনা মশাগী মিং ইবদা মশাগী য়ূম্নাক হাপ্তবা অসি য়ারিবমখৈ তৌবিগনু। য়ূম্নাক অসিনা ইশাগী আইদেন্তি মশক তাক্কদৌরিবনি হায়না ত্রিপুরা য়ুনিভার্সিতিগী ভি সি গঙ্গা প্রসাদ প্রসেন্না ফোঙদোকখ্রে।
য়ু সি এম, পুথিবা ওয়েলফেয়ার এন্দ কলচরেল সোসাইতি আগরতলা অমসুং বেরিমুরা মনিপুরী য়ুথ এসোসিয়েসন, বমুসিয়া, ত্রিপুরানা শীন্দুনা থা অসিগী ১৭ তগী হৌদুনা বেরিমুরা কম্যুনিতি হোলদা চত্থরকখিবা নোর্থ ইস্ত কলচরেল একচেঞ্জ প্রোগ্রাম কম হেন্দলুম মেলা ঙসি লোইশিনখ্রে।
লোইশিনবগী থৌরম অদুদা চীফ গেস্ত ওইখিবা ত্রিপুরা য়ুনিভার্সিতিগী ভি সি গঙ্গা প্রসাদ প্রসেন্না হায়, ত্রিপুরাগী তোঙান-তোঙানবা মফমশিংদা মণিপুরী মৈতৈশিং লৈ। মণিপুরদগী তাম্না লৈরগসু ইপা-ইপুনা থম্বীরম্বা ধর্ম, লো, ফীজোল, কলচর ফোল্ক দান্স অমসুং ফোল্ক সোং কাওবা য়াদে। ত্রিপুরাদা লৈরিবা মৈতৈ খরদা মশাগী মিং ইবদা মশাগী য়ূম্নাক হাপ্তবা য়াওরি। মসি তৌবিগনু।
ঐখোয় ইশাগী আইদেন্তিতি মাঙবা য়াদে। চোইনা তাদুনা লৈরগসু ইশাগী আইদেন্তিতি মাঙহনবা য়াদে অমসুং ইপা-ইপুনা থম্বীরম্বা চৎনবী অদু ঙাক্কদবনি। মসি ঙাকপা ঙমহৌদ্রগদি তুংগী মীরোলদা শোয়দনা কাওখিগনি। মীশিং য়াম্না লৈত্রগসু ইশাগী ত্রেদিসনেল কলচর অসি য়োকখৎকদবনি। মণিপুরবু শান্তি ওইনা লৈনবা হোৎনবদা য়ু সি এমনা অচৌবা থৌদাং লৌদুনা লাক্লিবনি হায়না মহাক্না ফোঙদোকখি।
থৌরম অদুগা মরী লৈননা য়ু সি এমগী প্রেসিদেন্ত জয়চন্দ্র কোন্থৌজমনা হায়, মণিপুরগী ৱাংমদা চোইনা তাখ্রবা মৈতৈশিংনা ঐখোয়গী লাইওইখ্রবা ইপা-ইপুশিংনা থম্বীরম্বা লম থাদোকপা অমসুং য়োন্থোকপা তৌগুমসি। ঐখোয়গীদমক তাঙলবা লন কয়া থম্বীরম্লিবা অসি য়োকখৎনবা হোৎনসি। মীশিং য়ামদবা ঐখোয় অসি মীশিং য়াম্নবা হোনসি। মালেমদা ফুরূপ অসি নমথবা ঙম্বা লৈতে হায়বদু উৎসি হায়খি।
থৌরম অদুগা মরী লৈননা পার্ফোমিং আর্তস তপস্যা অমসুং ত্রিপুরাদা লৈবা মৈতৈশিংনা কলচরেল প্রোগ্রাম ওইনা জগোয়-ঈশৈ অমসুং থাঙ-তা ঊৎখি।
সোর্স: পোক্নফম।
0 কমেন্ট:
কমেন্ট তৌবিয়ু