image

ত্রিপুরাদা অহানবা মণিপুর স্টেট কলা একাডেমি ফেষ্টিভেল

আগরতলা, ২৯ নভেম্বর : মতম অমা ত্রিপুরাদা মৈতৈশিংবু সেদুল্ড ট্রাইবতা চলহন্নবা হোৎনরমখি হায়না এম. এল. এ য়েলাম বীরজিৎনা হায়খ্রে। নভেম্বর তাং ২৩ দগী চয়োল অমা চুপ্না মণিপুর ষ্টেট কলা একাডেমিগী ৯শুবা ফেষ্টিভেল হৌদোকপগী থৌরমদা চীফ গেস্ট ওইখিবা এম. এল. এ য়েলাম বীরজিৎ সিংনা ৱাফম অসি ফোঙলদুনা হায়খি, মৈতৈ খরনা করম্না ঐখোয় হাও ওইদৌরিনো হায়না মতমদুদা য়াখিদে।

বাংলাদেশতা মণিপুরীশিং এস.টিগী খুদোং চাবা ফংলি। হৌজিক্তি ঐখোয়সু হাও ওইনিংলে। হাও ওইনিংবদগী মণিপুরদা ঙসি তৌনরিসিনি! মহাক্না মখা তানা হায়খি, ত্রিপুরাগী বিধানসভা কেন্দ্র ২২ দা মণিপুরী খুল লৈ। খুল অমবু লৈরবদি বামোন, লাইশঙ, মান্ডপ, পুংয়ৈবা ঈশৈ শকপা লৈবা তাবনি। অদুবু ঙসিদি মৈতৈ সমাজ য়াম্না শোল্লে। খুন লৈপাক্তা পুং য়ৈবা ঈশৈ শকপা ওজা লৈশিল্লকত্রে। সরকারনা প্রাইমারী থাক্তা মণিপুরী লোল তাকপীরি হায়। অদুবু লোল অসিগী ওজাদি ঙসি ফাওবা এপোয়মেন্ট তৌদে। ডেপুটেশন্দা পুরক্লগা তাকপীবা য়াদে। ডাইরেক্ট ল্যাঙ্গুয়েজ টিচার এপোয়মেন্ট তৌগদবনি হায়খি। হিরম অসিদা মহাক্না বিধানসভাদসু ৱাহং কয়াসু তৌবা য়াওখে।

মণিপুর লৈঙাক্কী আর্ট এ্যান্ড কলচারগী কমিশনার এম জয় সিংহ, আই এ এসনা থৌরম মপু ওইরগা ত্রিপুরাগী মণিপুরী সাহিত্য পরিষদকী প্রেসিডেন্ট এল বীরমঙ্গলনা গেস্ট ওব অনার ওইখি। প্রোগ্রাম কো-অর্ডিনেটর এ. সি নেত্রজিৎনা কনডাক্ট তৌবা থৌমর অদুদা একাডেমিগী সেক্রেটারী সুনন্দা থোকচোমনা ওক্না ৱারোল পীখি। কমিটিগী চেয়ারম্যান ক্ষেত্রি বীরনা থাগৎ ৱাহৈ পীখি।

অনীশুবা সেসন্দা আরকে ভুবোনসানা না চেয়ার লৌরগা শৈরেং পাবদা সিজা মলিনা, খোইস্নাম বীরলা, সোরোকখাইবম গম্ভিনী, এন নিরঞ্জন দত্ত, কেএইচ সৈব্যা, মণিপুরদগী দেবদাস মাইরেংবম, ক্ষেত্রি সুবদনি শরুক য়াখি। অদুগা ৱারী মচা পাবদা মণিপুরদগী হাওবম সত্যবতি, জিএ ঘনপ্রিয়া, কে লন্দন, ত্রিপুরাদগী থৌদাম নীলকুমার, কে ধীরেন অমসুং অহৈবম রবীন্দ্রকুমার শরুক য়াখি।

সোর্স: মরূপ 

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু