আপডেট:
image

ঢাকা য়ুনিভার্সিতিগী দিপার্তমেন্ত ওব দান্সতা মণিপুরী জগোয় য়াম্না পাম্না তম্নরি

ঢাকা, মে ১৬ :  ঢাকা য়ুনিবার্সিতিদা দিপার্তমেন্ত ওব দান্সতা মণিপুরী জগোয় অসি কোর্স অমা ওইনা য়াম্না পাম্না তম্নহৌরি। য়ুনিভার্সিতি অসিদা দান্স দিপার্তমেন্ত অসি ইং ২০১৪ দা ইস্তাব্লিশ তৌখি। দিপার্টমেন্ত অসিগী অহানবা একাদমিক সেসন হৌবদগী মণিপুরী জগোয়গী কোর্স অসি হাপ্তুনা মহৈরোয় কয়ানা হৌজিক য়াম্না পাম্না তম্নরি।

অদুবু য়ুনিবার্সিতি অসিনা হৌজিক ফাওবদা মণিপুরী দান্সকী হৌরকফম ওইরিবা মণিপুরদগী ইন্সতিত্যুসন অমত্তগা কোলাবোরেত তৌদুনা মণিপুরী দান্সকী মতাঙদা থবক অমত্তা তৌমিন্নবদি লৈত্রি হায়রি।

মণিপুরী জগোয় অসি হেন্না মশক থোকপা অমা ওইনবা মণিপুর য়ুনিভার্সিতি, মণিপুর য়ুনিভার্সিতি ওব কলচর অমসুং অতৈ মরী লৈনবা ইন্সতিত্যুসনশিংগা পূন্না কোলাবোরেত তৌদুনা থবক তৌমিন্নবগী অপাম্বা দিপার্তমেন্ত অসিগী এসিস্তেন্ত প্রোফেসার তামন্না রহমাননা মণিপুরগী মরী লৈনবা ওথোরিতিগী পূক্নিং চিংশিল্লক্লি।

য়ু সি এম (য়ুনাইতেদ কমিতি মণিপুর) গী তিম্না বাংলাদেশতা খুন্দারিবা মৈতৈশিংগী ঈগী খোঙ্গুল লীবগী খোঙচৎকী শরুক অমা ওইনা ঙরাং ঢাকা য়ুনিবার্সিতিদা চৎতুনা মণিপুরী জগোয় অসিবু তাকপী-তম্বীহৌরিবা দিপার্টমেন্ত অসিগী এসিস্তেন্ত প্রোফেসার তামান্না রহমানগসু উন্নখি। লোয়ননা য়ুনিভার্সিতি অসিদা মণিপুরী জগোয় অসি মতৌ করম্না তাকপী-তম্বীরি হায়বদুসু য়েংলকখি। লোয়ননা মণিপুর জগোয় অসি হেন্না চাওখৎনবগী মতাঙদসু খন্ন-নৈনখি।

এসিস্তেন্ত প্রোফেসার তামন্না রহমান্না ফোঙদোরকপগী মতুংইন্না, মণিপুরীশিং অসি বাংলাদেশতা চহী ২৫০ হেনবগী মমাঙদগী লৈরকখিবনি। মণিপুরী কলচর অসি বাংলাদেশকী কলচর অমনি। মরম অসিনা মণিপুরী ক্লাসিকেল দান্স অসি য়ুনিভার্সিতি অসিদা তম্বগী অহানবা প্রাইওরিতি থমদুনা লাকখিবনি। মসিবু থবক ওইনা ওন্থোক্নবা হোৎনবদা ইন্দিয়াগী হায় কমিসন্না মতেঙ পাংবিরকপগদীদমক্তসু থাগৎপা ফোঙদোরকখি।

পনবা য়াবদি, তামন্না রহমান হায়রিবা এসিস্তেন্ত প্রোফেসার অসি মণিপুরী কলচারবু য়াম্না পামজবা এসিস্তেন্ত প্রোফেসার অমনি। মহাক মণিপুরদসু কয়ারক লাক্তুনা কলচরেল পার্ফোমেন্স কয়া ঊৎখ্রে হায়রি। মখা তাবদা, মৈতৈশিংনা তারম্বা ঢাকাদা লৈবা মণিপুরীপাড়াদা চৎতুনা য়েংশিনখি। মফম অদুদা মৈতৈগী খুল লৈরম্মী হায়বগী মমীংদি লৈরম্মী অদুবু হৌজিক্তি মৈতৈদি অমত্তা তারমদ্রে। মসিদা গেত নম্বর ১ দগী গেত নম্বর ৯ ফাওবগী চঙফম লৈ। অদুবু মফম অসিদা তাকপী-তম্বীরিবা মণিপুরী দান্স ফোর্ম অসি হেক য়েংবগা মণিপুরদা চৎনরিবা দান্স ফোর্ম অদুগদি খেন্নবা কয়া উবা ফংলি।

খোঙচৎ অদুগা মরী লৈননা য়ু সি এমগী প্রেসিদেন্ত জয়চন্দ্র কোন্থৌজমদা হায়, ঢাকা য়ুনিভার্সিতিগী দিপার্তমেন্ত ওব দান্সতা মণিপুরী দান্স য়াওরম্বা অসি য়াম্না চাওথোকচনীংঙাই ওই। ইপা-ইপুশিংনা থম্লম্বা জগোয় অসি মালেমগী থাক্তা কনবা ঙম্লে। মসিমক ঐখোয়গী চাওথোকচনীংঙাইনি। মহাক্না মণিপুর য়ুনিভার্সিতি ওব কলচরগী ভাইস চাঞ্চেল্লর পি গুনিন্দ্রোগসু ফোনগী খূত্থাঙদা পাউ ফাওনদুনা মণিপুর দান্স অসি হেন্না ফজবা য়োকখৎনবা হোৎমিন্ননবা খঙহনখি হায়রি।

মহাক্না মখা তানা হায়, মৈতৈশিংনা তারম্বা ঢাকাদা লৈবা মণিপুরী পারাদা চৎতুনা য়েংলুবদা খুলদি অমত্তা লৈরমদ্রে অদুবা খুল লৈরম্মী হায়বগী মমীং অদুদি লৈরম্মী। হৌজিক মফম অদুদা দিপার্তমেন্তগী ওফিস কয়া অমসুং অতোপ্পা খুল কয়অ তাশিল্লম্বা থেংনখি। অদুবু মণিপুরীপাড়াদা মৈতৈ লৈত্রগসু ঢাকাদা অনৌবা য়ুম কয়া মৈতৈনা তাহৌরি। লোয়ননা বাংলাদেশকী বিশগাওদা খুন ২০ তারম্বা অদুসু ঙসিদি খুল ৩ খক্তা ঙাইরে হায়নসু বাংলাদেশকী অহল লমন্না পাঙদম্লক্লি। ঐখোয় ইশাগী খোইরী-নাউফম তাফম ওইরম্বা খুলশিং থাদোক্লগা চৎপসি তৌগুমসি। ঈগী মরী ওইবশিংনা মৈতৈ ঐখোয়গী চৎনবীদা খোইরী-নাউফম ফূম্বা মফম অদু ঙাক্তুনা খুন্দা লৈতাগদবনি হায়নসু মহাক্না হায়খি।

ঙরাং নুমিদাংদা ঢাকাদা লৈবা লিবরেসন ৱার ম্যুজিয়মগী সেমিনার হোলদা ঢাকাবাসি মণিপুরী, বাংলাদেশতা য়ু সি এমগী ঈগী খোঙ্গুল লীরকখিবা তিম অসিবু তরাম্না ওকপগা লোয়ননা মখোয়গী পূন্না খন্ন-নৈনবগী মীফম অমসু পাঙথোকখি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: