জুদোকা সুশিলানা অর্জুন এৱার্দ ফংলগনি
নিউদিল্লী, নভেম্বর ১৫ :নভেম্বর ৩০ দা মফম অসিগী রাস্ত্রপতি ভবনদা পাঙথোক্কদবা চীংলেম্লবা থৌরম অমদা লৈবাক অসিগী প্রেসিদেন্ট দ্রৌপদি মুরমুনা মণিপুরগী ওলিম্পিয়ান জুদোকা লিকমাবম সুশিলা দেবীদা লেমজনিংঙাই ওইরবা মনা অর্জুন এৱার্দ খুৎশিন্নদুনা ইকায়খুম্নবা উৎলগনি। য়ুনিয়ন স্পোর্তস মিনিস্ত্রিনা ঙরাং নিংথৌকাব নুমিৎতা চহী অসিগী নেসনেল স্পোর্টস এৱার্দকী লিস্ট লাউথোরকখিবদা বারমিংহাম কমনওয়েল্থ গেমস ২০২২ গী জুদো মশান্নদা সিলভার মেদেল লৌরকখিবী মণিপুরগী জুদোকা লিকমাবম সুশিলা দেবী অর্জুন এৱার্দকী লিস্ততা মহাক্কী মমিং চল্লকখি।
মশাগী চহী ২৭ শুরবী সুশিলানা মমাঙ চহীগী টোকিও ওলিম্পিক্সকী জুদো মশান্নদা ইন্দিয়াগী ওইনা মহাক মতোমদনা ইন্দিয়াগী রিপ্রেজেন্ত তৌদুনা কম্পিত তৌবা ঙমখ্রবা মতুং চহী অসিগী অঙনবদা পাঙথোকখিবা বারমিংহাম কমনওয়েল্থ গেমসতা জুদো মশান্নগী নুপীগী কেজি ৪৮ গী কংলুপ্তা সিলভার মেদেল লৌরকপা ঙমখি। মেদেল অদুনা মহাক্কী কমনওয়েলথ গেমসকী অনীশুবা সিলভার মেদেল ওইখি। মহাক্না ফাইনেল বাউত্তা সাউথ আফ্রিকাগী হা্বইতবুই মাইকেলাগী মখুত্তা মায়থীবা নংহৌখি। ইং ২০১৪ গী গ্লাসগো কমনওয়েলথ গেমসতা মহাক্না সিলভার মেদেল লৌরকখি।
মমাঙ চহীগী টোকিও ওলিম্পিক গেমসতা অহানবা রাউন্দদা কেম্পেন লৌশিন্দুনা নিংবা কায়না হল্লকখি। মহাক্না হৌখিবা চহী খরা অসিদা ইন্টারনেসনেলগী থাক্তা পীখিবা পারফোর্মেন্স অদুনা ইং ২০২২ গী অর্জুন এৱার্দকীদমক সুপ্রিম কোর্টকী রিটেয়ার্দ জজ জাস্তিস এ এম খান উইলকরনা লুচিংবা নেসনেল স্পোটর্স এৱার্দস সেলেক্সন পেনেলদা রিকমেন্দ তৌখ্রবা মতুং ঙরাং স্পোর্তস মিনিস্ত্রিনা কনফার্ম তৌরকখি।
নভেম্বর ৩০দা টেবল টেনিস স্টার অচন্ত শরত কমলদা ধ্যান চান্দ খেল রত্ন এৱার্দ ২০২২ লান্থোক্লগনি হায়না য়ুনিয়ন স্পোর্টস মিনিস্ত্রিনা ঙরাং লাউথোরকখি। ইং ২০২২ কমনওয়েল্থ গেমস বারমিংহামদা গোল্ড অহুম য়াওনা মেদেল মরি লৌদুনা শরত কমলনা মশক থোক্না পারফোর্ম তৌখি। এৱার্দিশিংগী লিস্ট: মেজর ধ্যান চান্দ খেল রত্ন এৱার্দ ২০২২ঃ অচন্ত শরত কমল। অর্জুন এৱার্দস ২০২২ঃ লিকমাবম সুশিলা দেবী (জুদো), সীমা পুনিয়া (এথলেটিক্স), এলধোস পোল (এথলেতিক্স), অভিণাশ মুকুন্দ সাবলে (এথলেতিক্স), লক্ষ্য সেন (বেদমিন্তন), ঐচ এস প্রন্নয় (বেদমিন্তন), অমিত পঙ্গাল (বোক্সিং), নিখৎ জরীন (বোক্সিং), নিখৎ জরীন (বোক্সিং), ভক্তি প্রদিপ কুলকারনি (চেস), আর প্রগগ্ননন্ধ (চেস), দীপ গ্রেস এক্কা (হোক্কী), সক্ষি কুমারী (কবদ্দি), নয়ান মোনি সাইকিয়া (লোন বোল), সাগর কাইলাস ওভহলকর (মল্লাখম্ব), ইলাভেনিল ভলারিভন (শুটিং), ওমপ্রকাশ মিথরভল (শুতিং), শ্রীরাজ অকুলা (টেবল টেনিস), ভিকাস থাকুর (ওয়েটলিফটিং), অনশু (রেস্টলিং), সরিতা (রেস্টলিং), পারভীন (ৱুশু), মনাসি গিরিশচন্দ্র জোশি (পেরা বেদমিন্টন), তরুন ধিলোন (পেরা বেদমিন্তন), স্বাপনিল সঞ্জয় পাটিল (পেরা স্বিম্মিং), জরলিন অনিকা জে (দিফ বেদমিন্টন)।
দ্রোনাচার্য্য এৱার্দঃ রিগুলার কেটাগোরিঃ জিৱাঞ্জোৎ সিংহ তেজা (আর্চারি), মোহাম্মদ অলি কুমার (বোক্সিং), সুমা সিদ্ধার্থ শিরুর (পেরা শুটিং), সুজিৎ মান (রেস্টলিং)। লাইফটাইম কেটাগোরিঃ দিনেশ জৱনহার লাড়ু (ক্রিকেট), বিমল প্রফুল্লা ঘোষ (ফুটবোল), রাজ সিংহ (রেস্টলিং)।
ধ্যান চান্দ এৱার্দ ফোর লাইফটাইম ২০২২ঃ অশ্বিনি অকুঞ্জি সি (এথলেটিক্স), বি সি সুরেশ (কাবাডি), নির বাহাদুর গুরুং (পেরা এথলেটিক্স)।
রাস্ত্রীয় খেল প্রোতসাহন পুরস্কার ২০২২ঃ ট্রান্সস্তদিয়া ইন্টপ্রাইজেস প্রাইভেট লিমিটেদ, কলিঙ্গ ইন্সটিটিউট ওব ইন্ড্রাস্ট্রিয়েল টেক্নোলোজি, লাদাখ স্কি এন্দ স্নোবোর্দ এসোসিয়েসন।
মাউলানা আবুল কালাম আজাদ (মাকা) ট্রোফি ২০২২ঃ গুরু নানক দেব য়ুনিভার্সিটি অম্রিৎসর।
সোর্স: পোক্নফম
0 কমেন্ট:
কমেন্ট তৌবিয়ু