চহিগী স্কোলারশীপ এক্সাম অমসুং মনা য়েন্থোকপগী থৌরম পাঙথোকখ্রে।
সিলেট, ২৯ অক্টোবর : মণিপুরী প্রাথমিক শিক্ষক সমিতি, কমলগঞ্জ, মৌলভীবাজার না শিলাংদুনা কমলগঞ্জ মনুংদা খুন্দারিবা মৈতৈ মহৈরোয়শিংদা স্কোলারশীপ এক্সাম - ২০২২ মায় পাক্না পাঙথোকখি। এক্সাম অসি ঙসি ঐয়ুক পুং ৯:০০ দা আদমপুরগী তেতইগাওদা লৈবা তেতইগাও গভ: প্রাইমারি স্কুলদা পাঙথোকখি। প্রাইমারী থাক মহৈরোয়শিং এক্সাম অসিদা শরুক য়াখি।
এক্সাম মায় পাক্না পাঙথোকপা মতুংদা মনা য়েনবগী থৌরম অমা মণিপুরী কালচারাল কমপ্লেক্স কী কনফারেন্স হলদা পাঙথোকখি। থৌরম অসিদা অথোইবা মীথুংলেন ওইনা পিপলস রিপাব্লিক ওব বাংলাদেশকী রেল ওয়ে মিনিস্ট্রিগী এডিশনাল সেক্রেটারী ওইরম্বা শশী কুমার সিংহনা মমল লৈরবা ৱা ঙাংবিখী। লোয়ননা স্পেশাল গেস্ট ওইনা মণিপুরী কালচারেল কমপ্লেক্স কী প্রেসিদেন্ট এল. জয়ন্ত সিংহ, বাংলাদেশ মণিপুর সাহিত্য সংসদ কমলগঞ্জ ব্রাঞ্চকী প্রেসিডেন্ট বীরেন্দ্র সিংহ লোয়ননা এথনিক কমিউনিটি ডেভেলপমেন্ট ওর্গানাইজেশনগী এগজিকিউটিব ডাইরেক্টর এল. লক্ষীকান্ত সিংহ না মমল লৈরবা ৱাহৈ থম্বিখি।
মনা য়েনবগী থৌরম অসিদা থৌরম মপু ওইনা মণিপুরী প্রাথমিক শিক্ষক সমিতি, কমলগঞ্জকী প্রেসিডেন্ট কুঞ্জরানী সিনহানা থৌরম অসি মায় পাক্না পাঙথোকখিবাগী ময়ামদা থাগৎ ৱাহৈ থমদুনা মনা য়েনন্থোকখি।
0 কমেন্ট:
কমেন্ট তৌবিয়ু