গোপালদেব কাংখুৎ, মণিপুর অমদি লাইনিংথৌ কাংখুৎ নুপাগী ফাইনেলদা লম্বা তৌনরগনি
কমলগঞ্জ, ফেব্রুয়ারি ২১ : বাংলাদেশ কাং ফেডারেশন্না শিল্লাংদুনা নিংতম কাং টুর্নামেন্ট ২০২৩ বাংলাদেশকী মৌলভীবাজার দিষ্ট্রিক্ট মুনংচনবা কমলগঞ্জ উপজেলাগী নয়াপত্তনদা চত্থরবি টুর্ণামেন্ট গী ঙসি শান্নখিবা নুপাগী সেমিফাইনেল লীগ রাউন্দ মেটচতা মায় পাক্তুনা গোপালদেব কাংখুৎ মণিপুর অমদি লাইনিংথৌ কাংখুৎ শিবগঞ্জ, সিলেট অনীনা থা অসিগী ২৫গী অয়ুক পুং ১০দা ফাইনেল লম্বা তৌনরগনি।
নুমিৎ অসিগী নুংথিল পুং ১দা নুপীগী ফাইনেলদা নোংদোন লৈমা কাংখুৎ অমদি রাধাগোবিন্দ কাংখুৎ মঙ্গলপুর অনীনা থেংনরগনি। ঙসি শান্নখিবা নুপাগী অহানবা সেমীফাইনেল লীগ মেটচতা লাইনিংথৌ কাংখুৎ শিবগঞ্জ সিলেটনা নয়াপত্তন য়ুথ ক্লাব কাংখূৎপু পাঞ্জল ২দা মায়থীবা পীখি। মেটচ অসিদা লাইনিংথৌ কাংখূৎনা পূন্না পাঞ্জল ১০ লৌবা ঙমখি অদুগা নয়াপত্তন কাংখূৎনা পাঞ্জল ৮ লৌবা ঙমখিবনি।
অমরোমদা, ঙসি শান্নখিবা অনীশুবা সেমীফাইনেল লীগ মেটচতা গোপালদেব কাংখুৎনা লাইনিংথৌ কাংখুৎ সিলেটপু পাঞ্জল ৪দা মায়থীবা পীখি। মথংগী মেটচতা মণিপুরগী গোপালদেব কাংখুৎনা পুন্না পাঞ্জল ১১ লৌবা ঙমখি অদুগা নয়াপত্তন কাংখূৎনা পাঞ্জল ৭ লৌবা ঙমখিবনি।
শান্নখিবা সেমীফাইনেল লীগ মেটচ অনি অসিদা রুপচান্দ হামোমনা রেফারি অমদি সোমরজিৎ নারেংবমনা স্কোরার ওইনা শরুক য়াখি। টুর্ণামেন্ট অসি থা অসিগী ৬ তগী হৌদুনা চত্থরকখিবনি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু