কাছারগী সোনাইদা মীতৈ ময়েক্কী ক্লাস হাংদোকখ্রে
ইম্ফার, মে ৬ : মীতৈ ইরোল ইয়েক লোয়নশিল্লোল অপূনবা লূপ (মীলাল) না লমদম অসিগী মীপূম খুদীংমক অমদি মপান্দা চোইনা তাদুনা লৈখ্রবা মীতৈ অমদি মীতৈ পাঙলশিংবু মীতৈ ময়েক মপূং ফানা হৈহন্নিংবগী পান্দমদা লেপ্তনা ঙসি ফাওবা ময়েক তম্বীদুনা লাক্লিবা অসিগী মনুং চন্না ঙরাং আসামগী কাছার দিষ্ট্রিক্তকী মনুংদা লৈরিবা মণিপুরীশিং দা লেপ্তনা মীতৈ ময়েক তম্বীবা অমদি মশা লোইশঙ হাংদোকপা লাকপগী মখা তারকপদা কাছার দিষ্ট্রিক্তকী সোনাইদা মীতৈ ময়েক ক্লাস হাংদোকখিবগা লোয়ননা ক্লাস মখা তানা চত্থখ্রে হায়রি।
থা অসিগী ৫গী নুংথিলদা মীলাল ময়াই লোইশঙগী জিরিবাম পাকথোক চাউথোকখিবগা লোয়ননা মীলাল ময়াই লোইশঙগী থৌ পুবশিংবু ওকপগী থৌরম অমসু পাঙথোকখ্রে।
থৌরম অসিগী ময়াই তাংবলদা মীলাল মশা লোইশঙ জিরিবামগী প্রেসিদেন্ত কেঐচ যমুনা, মীলাল ময়াই লোইশঙগী সেক্রেতরি জেনরেল লাঙ্গোলজম নোংমাইলেম্বীনা অথোইবা লেংবীরকপা, মীলাল ময়াই লোইশঙগী সেক্রেতরি এদজুকেসন পাওনম থাকাবা মীতৈ অমসুং অইবা নোংথোম্বম কুঞ্জমোহোননা অখন্নবা লেংবীরকপা ওইনা শরুক য়াখি হায়রি।
সোর্স: পোক্নফম
0 কমেন্ট:
কমেন্ট তৌবিয়ু