আপডেট:
image

ওল আসাম মণিপুরী য়ুথস এসোসিয়েসননা চীফ মিনিষ্টারগা উন্নখ্রে এন ঈদা লৈরিবা মণিপুরীশিংদা মতেং পাংগনি: বিরেন

ইম্ফাল, মার্চ ১২: ওল আসাম মণিপুরী য়ুথস এসোসিয়েসন (আময়া) গী মীহুৎশিংনা ঙরাং বাবুপাড়াদা লৈবা চীফ মিনিষ্টারগী বঙ্গলোদা হকথেংননা উন্নখিবগা লোয়ননা আসামদা লৈরিবা মণিপুরীশিংনা মায়োক্নরিবা ইস্যুশিংগী ৱারোইশিন পুরকপদা মতেং পাংবীনবা হায়জখ্রে।

আময়াগী লুচিংবা অমসুং মীহুৎশিংনা হকথেংননা ফোঙদোক্লম্বা ৱাফমশিং তারবা মতুংদা চীফ মিনিষ্টারগী মায়কৈদগী আসাম খক্তা নত্তনা নোর্থ ইষ্ট ষ্টেটশিংদা লৈরিবা মণিপুরীশিংদা পাংবা য়াবা মতেংশিং পাংগনি হায়বগী অচেৎপা থাজবা পীখ্রৈ।

উন্নখিবা অসিগী মতাংদা চীফ মিনিষ্টারনা টুইটারদা ফোঙদোকখিবা ৱাফমশিংগী মনুংদা মহাকপু উন্নরখিবা মীহুৎশিং অদু আময়াগী মেম্বার ঙাক্তনি। মখোয়গা ফম্মিন্নদুনা আসামদা হৌজিক মরু ওইনা মণিপুরী মহৈরোয়শিংনা মায়োক্নরিবা ইস্যুশিংগী মতাংদা কূপ্না খন্নখি অমসুং ইস্যুশিং অসিগী ৱারোইশিন পুরক্নবা হোৎনবদা করি করম্বা থবকশিং পায়খৎপা য়াবগে হায়বগী মতাংদসু খন্নখি হায়রি। লোয়ননা অৱাং নোংপোক ইন্দিয়াগী ষ্টেটশিংদা লৈরিবা মণিপুরীশিংদা অঙম্বা মতেং পাংগনি হায়খি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: