আপডেট:
image

ওলিম্পিক মেদলিস্ত মিরাবাই চনুনা ৱার্ল্ড চেম্পিয়নশিপ্তা সিলভার লৌরে

বোগোতা, দিসেম্বর ৭ : কলম্বিয়াগী বোগোতাদা চত্থরিবা ইং ২০২২ ৱার্ল্ড ওয়েটলিফটিং চেম্পিয়নশিপ্তা ওলিম্পিক সিলভার মেদেলিস্ত সাইখোম মিরাবাই চনুনা ওলিম্পিক চেম্পিয়ন চাইনাগী হৌ জিহুৱাদগী কেজি অনী হেন্না থাঙ্গৎতুনা সিলভার মেদেল লৌখ্রে। টোকিও ওলিম্পিক মেদেলিস্ত মণিপুরী লিফটার অদুনা অপূনবা কেজি ২০০ (স্নেতচতা কেজি ৮৭ অমসুং ক্লিন এন্দ জার্কতা কেজি ১১৩) থাঙ্গৎতনা সিলভার মেদল অদু লৌখি।

চাইনাগী ওলিম্পিক চেম্পিয়ন ঝিহুৱানা অপূনবা কেজি ১৯৮ থাঙ্গৎতুনা ব্রোঞ্জ ফংহৌখি। চাইনাগী অতোপ্পা লিফটার জিয়াং হুইহুৱানা (কেজি ২০৬ঃ স্নেতচতা কেজি ৯৩ অমসুং ক্লিন এন্দ জার্কতা কেজি ১১৩) মিরাবাইদগী কেজি তরুক হেন্না থাঙ্গৎতুনা গোল্ড লৌখি। মিরাবাইনা স্নেতচতা কেজি ৮৫ থাঙ্গৎতুনা তপ্না হৌখি। অনীশুবা এতেম্প ওইনা কেজি ৮৭ থাঙ্গৎনবা হোৎনখিবদা মায় পাকহৌখিদে। মহাক্কী অহুমশুবা এতেম্পতা চপ মান্নবা ওয়েট অদু থাঙ্গৎখি। মহাক্কী অহুমশুবা এতেম্প অদুগী মতুংদা মহাক্না মঙাশুবা মফম কনখি।

ক্লিন এন্দ জার্কতা মিরাবাইনা মহাক্কী অহানবা এতেম্প মায় পাক্না থাঙ্গৎপা ঙমখিদে, অদুবু মহাক্কী অনীশুবা এতেম্পতা মহাক্কী পাঙ্গল পূম্বা ফুদোক্তুনা কেজি ১১১ থাঙ্গৎখি। খুদক্তা মহাক্না মেদেল লৌনবগী মফমশিংগী মরক্তা চনবা ঙমখি। অরোইবা এতেম্পতা কেজি ১১৩ থাঙ্গৎখি। ইং ২০১৭ কী ৱার্ল্ড চেম্পিয়নশিপকী মেদেল ওইখি। চহী অসিগী অঙনবদা মহাক্না কমনওয়েল্থ গেমসতা গোল্ড লৌখি। মিরাবাই চনুগী ওইনা মহাক মশাগী খ্বাইদগী ফবা পারফোর্মেন্স কেজি ২০৭ (কেজি ৮৮ অমসুং কেজি ১১৯) না ওইরি। মহাক্না ইং ২০২০ দগী স্নেতচ কেটাগোরিদা কেজি ৯০ গী মার্ক য়ৌনা থাঙ্গৎনা হোৎনরক্লি।

অদুমওইনমক, ওলিম্পিক্সকী মতম য়াম্না ৱাৎলিবা অমসুং এশিয়ান গেমসনা মথং চহীগী সেপ্টেম্বরদা মতম লেপ্লিবনা মণিপুরী লিফ্টার অদুনা মার্কি ইভেন্ত অদুদা কেজি ৯০ থাঙ্গৎনবগী রিক্স লৌনিংদ্রি। ইং ২০২২ ৱার্ল্ড চেম্পিয়নশিপ্না ইং ২০২৪ পেরি ওলিম্পিক্সকী অহানবা কোয়ালিফাই ইভেন্ড ওইরি। টোকিও গেমসকী কোয়ালিফায়িং ইভেন্ত ১৪দগী পেরিসকী ওইনা ইভেন্ত ১০ দা হন্থহল্লি।

সোর্স: পোক্নফম    

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু