এম রাজেন্দ্রদা দাঃ থিয়াম সুরেশ লিতরেরি এৱার্দ লান্থোকখ্রে
ইম্ফাল, জুলাই ১৪ : পেত্রিওতিক রাইতর্স ফোরম মণিপুরনা চহী খুদীংগী মণিপুরী লোলগী শক্নাইরবা অইবা-অইবীশিংদা পীবা দাঃ থিয়াম সুরেশ লিতরেরি এৱার্দ-২০২৫ চহী অসিগী ওইনা তেন্থা খুঞ্জাও ময়াই লৈকায়দগী শক্নাইরবা অইবা মোইরাংথেম রাজেন্দ্র সিঙহদা লান্থোকখ্রে।
মণিপুর প্রেস ক্লবকী লোক্তাক হোলদা ঙসি পাঙথোকখিবা এৱার্দ লান্থোকপগী থৌরম অদুদা ববিনা গ্রুপ ওব কম্পনিজগী মেনেজিং দিরেক্তর দাঃ থাংজম ধবলিনা চীফ গেস্ত, রাইতর্স ফোরাম অসিগী প্রেসিদেন্ত নাওরোইবম খম্বা লুৱাংনা প্রেসিদেন্ত অমসুং মণিপুরী লেংগ্বেজ এদভাইজরি বোর্দ, সাহিত্য একাদেমি নিউ দিল্লীগী হান্নগী কনভেনর নোংমাইথেম কিরনকুমার সিংহনা গেস্ত ওব ওনর ওইনা শরুক য়াখি।
অইবা মোইরাংথেম রাজেন্দ্রনা মণিপুরী লোল, লিতরেচর অমসুং খুন্নাইগীদমক কত্থোকপগা লোয়ননা মতম শাংনা লৌরক্লিবা থৌদাংশিংবু শকখঙবা ওইনা চহী অসিগী দাঃ থিয়াম সুরেশ লিতরেরি এৱার্দ-২০২৫ লান্থোকখি। এৱার্দ অসিদা শেল ওইনা লুপা লীশীং তরা, মেমোন্তো অমা অমসুং সাল অমা য়াওরি।
থৌরম অদুদা চীফ গেস্ত ওইনা শরুক য়াখিবা দাঃ ধবলিনা লৈখিদ্রবা দাঃ সুরেশনা হেলথ্ সাবিসতা লৈরিঙৈ অমসুং হেল্থ সার্বিসেসকী দিরেক্তর অমা তৌরম্বা থবকশিং অমদি মহাক্না থবক্তগী পোত্থারবা মতুং অইবগী লমদা চঙখিবগী ৱারীশিং নৌহৌননা নীংশিংখি।
সোর্স: পোক্নফম
0 কমেন্ট:
কমেন্ট তৌবিয়ু