ইম্ফালদা ফেষ্টিবেল ওফ কলর পাঙথোকখ্রে
ইম্ফাল, মার্চ ২০: একাদেমি ওফ ইন্দিজিনিয়স ম্যুজিক, এইম বামোনকম্পুনা শীন্দুনা য়াওশঙ কুহ্মৈগা মরী লৈননা ফেষ্টিবেল ওফ কলর হায়না মীংথোনবা কলচরেল ফেষ্টিবেল অমা বামোনকম্পু ময়ায় লৈকায়দা লৈবা একাদমি অসিগী ওদিটোরিয়মদা পাঙথোকখ্রে।
থৌরম অদুদা গোটিময়ুম সুরচন্দ্র শর্ম্মা, ষ্টেট কলা একাদেমি এৱার্দিনা চীফ গেষ্ট অমসুং এইম বামোনকম্পুগী প্রসিদেন্ট রাধেশ্যাম ইরেংবমনা প্রসিদেন্ট ওইনা শরুক য়াখি।
থৌরম অদুদা এইম বামোনকম্পুগী সেক্রেটরি ইরেংবম শ্যামচান্দনা হায়, লমদম অসিদা চহি কয়া লীশাং শীৎনা চত্থদুনা লাক্লবা মচুগী কুহ্মৈ য়াওশঙগা মরী লৈননা এইমনা ফেষ্টিবেল ওফ কলর হায়না মীংথোনবা কলচরেল ফেষ্টিবেল অসি চহি খুদিংগী ওইনা লেপ্তনা পাঙথোক্তুনা লাকপনি।
হন্দক পাঙথোক্লিবা ফেষ্টিবেল অসিনা ৬লক শুবা ওইনা পাঙথোকপনি। লমদম অসিদা লৈরক্লবা কলচরগী মচাকশিং অসি ঐখোয় পুম্নমক্না য়োকখৎমিন্নবগী তঙাইফদবা লৈরি।
এইমগী পান্দমদি হোলি ফেষ্টিবেল অসিখক্তা নত্তনা লমদম অসিগী মমল য়াম্লবা কলচরগী মচাকশিং অসি মাঙহনদনা য়োকখৎতুনা থম্বদুনি। মণিপুরগী ইনাক খুল্লবা কলচর অসিনা লমদম অসিবু ইন্দিয়াদখক্তা নত্তনা মালেমগী লৈবাক কয়াদা ষ্টেট অসি মশক তাক্লিবনি। মরম অসিনা ঐখোয় পুম্নমক্না কলচরগী মণ্ডন খঙনা মদু য়োক্তুনা থম্নবা হোৎনবা মথৌ তাই হায়খি। লমদম অসিদা লৈরিবা তাংলবা আর্ট ফোর্মশিং অমসুং কলচরগী মচাকশিং অসি তুং কোইনা লৈহৌনবা ঙসিগী মীরোল ওইরিবা ঐখোয়না চঙশিনফম থোকই হায়না মহাক্না মখা তাখি। থৌরম অদুদা এইমগী আর্টিষ্টশিংগা লোয়ননা শরুক য়াবা গ্রুপ অহুম্না হোলি উৎখি।
সোর্স : সঙাই এক্সপ্রেস
0 কমেন্ট:
কমেন্ট তৌবিয়ু