image

ইম্ফালদা ইন্টারনেসনেল পোলো তুর্নামেন্ত হৌখ্রে

ইম্ফাল, ফেব্রুয়ারি ১৫ : স্তেতকী তুরিজম দিপার্টমেন্ত অমসুং ওল মণিপুর পোলো এসোসিয়েসন্না শীন্দুনা ৬শুবা উইমেন্স ইন্টারনেসনেল পোলো তুর্নামেন্ত ঙসি ইম্ফালগী মপাল কাংজৈবুংদা হৌদোকখ্রে। থৌরম অদুদা চীফ গেস্ত ওইনা শরুক য়াখিবা চীফ মিনিষ্টার এন বীরেননা হায়, পাঙথোক্লিবা ৬শুবা উইমেন্স ইন্টারনেসনেল পোলো তুর্নামেন্ত অসি কোভিদ-১৯ না মরম ওইরগা চহী অনী লেপ্লুরবা মতুং হন্দক পাঙথোকপনি। মীপুম খুদীংমক্না মণিপুর অসি পোলোদ থৱায় য়াওই হায়বা খঙবগা লোয়ননা পোলো হায়বা মোর্দান গেম অসি মণিপুরদা মালেমদা খুদোল তম্বনি হায়বসি খঙই।

বীরেননা হায়খি, ‘ঐখোয়গী ইপা-ইপুশিংনা মশান্না অসি মালেমদা পীরম্বগীদমক ঐখোয় চাউথোকচবা ফাওই’। মহাক্না হায়, মণিপুরগী পোনি অসি সিবিলাইজেসন অমসুং কালচারগা ইরোয়ননা লাকই। হন্দক ইকুই কুইদ্রিঙৈদা মণিপুর গবর্ণমেন্তনা শগোল পুলিস হৌদোক্তুনা হন্দক পাঙথোকখিবা রিপাব্লিক ডে দা মার্চ পাস্তা চৎপা য়াওই। মণিপুর সঙাই ফেষ্টিবেল ২০২২ দা ইহান হানবা ওইনা চীফ মিনিষ্টার শগোল কাংজৈ চেম্পিয়নশিপ হৌদোকখি। শগোল কাংজৈ হায়বসি গেম খক নত্তে। মসিনা পোনিগী রোল অদুসু মশক তাক্লিবনি।

য়াম্না ঙক্লিবদি ঐখোয়গী ইপা-ইপুশিংনা লানদা শীজিন্নবা ৱাইল্ড ওইবা শগোল অসিবু নমদনা ফারগা গেম শান্নরম্বা অসিনি। মখোয়গী ৱাখল্লোন অসি ঐখোয়না রেস্পেক্ত তৌবা চঙই।

মহাক্না হায়, পোনি য়োকখৎনবা মণিপুর পুলিসতা পোনিগী টিম থমখ্রে। মসিদসু নত্তনা মণিপুরগী লৈরিবা আর্মদ বেটালিয়ানশিংদা শগোল ১০/১০ পীদুনা মখোয়বু ফজনা শেন্নদুনা য়োকপীনবা শিন্নখ্রে। পাঙ্গৈদা অচৌবা মফম অমা শগোলনা চান্নবা পাম্বীশিং থাদুনা ভেতরিনরি দিপার্টমেন্তকী মখাদা নাপী-শীংবী থাদুনা লৈরে। অদুনা ঙসি পোলো শান্নরিবা ইচিল-ইনাওশিংনা লম্বীদা থাদোক্তুনা থম্বগী মহুত্তা লম্ফেল নৎত্রগা পাঙ্গৈগী মফম অসিদা পোনিশিং নিংথিনা থম্বীয়ু।

অমরোমদা, থা অসিগী ১৭ তগী হৌগদৌরিবা জি-২০ সামিট কীদমক দেলিগেতশিং লাক্কদৌরিবা অসিদা লম্বীদা ষণ-শগোল থাদোক্তুনা থম্বা অসি তৌবীদনবা হায়না চীফ মিনিষ্টারনা আপিল তৌখি। থৌরম অদুদা য়াস (য়ুথ এফিয়ার্স এন্দ স্পোর্টস) মিনিষ্টার গোবিন্দাস কোন্থৌজম, কর্ম্মাস এন্দ ইন্ডাস্ট্রি মিনিষ্টার নেমচা কিপগেন, রাজ্য সভাগী এম পি মহারাজ সনাজাওবা লৈশেম্বা, ওল মণিপুর পোলো এসোসিয়েসনগী প্রেসিদেন্ট দা: কে সরতচন্দ্র সিংহ অমসুং এম এল এ সাপম কুঞ্জকেস্বর (কেবা) সু শরুক য়াখি।

ইন্টারনেসনেল পোলো তুর্নামেন্ত অসিগী ঙসি শান্নখিবা অপেনিং মেটচতা সাউথ আফ্রিকানা মণিপুর-এ (ইন্দিয়া) বু পাঞ্জল ৬-৩ দা মায়থিবা পীখি। পাঞ্জল, কেপ্তেন এমিনা মিনিট ৪.১০ দা অনীশুবা পাঞ্জল চন্দুনা অহানবা হাল্ফ লোইবা ফাওবদা ২-২ দা লৈনখি। অহুমশুবা চক্রদা সাউথ আফ্রিকাগী টিম কেপ্তেন এমি মিতচেলে গেসনা পাঞ্জল ২ অদুগা বরমাকনা পাঞ্জল অমা চন্দুনা মণিপুর তিমদগী পাঞ্জল অহুম মাঙজিন থারগা চৎখি। পোলো মশান্নদা তঙাই ফদনা টিম অমগী শান্নরোয়শিংনা বোল পুরগা চৎপা ঙম্বা অমসুং অহানবা ওইনা মণিপুর পোনিদা শান্নরিবা সাউথ আফ্রিকাগী কেপ্তেন এমিন ৪ শুবা চক্রগী মিনিট ৬.০৫ দা তিমগী ৬শুবা পাঞ্জল অদু চনখি। অরোইবা চক্রদা মণিপুর (এ) গী নৌনা য়াওরকখিবা ৱাই রঞ্জিতানা ৩ শুবা পাঞ্জল চনখি।

তুর্নামেন্ত অসিগী অনীশুবা মেটচতা লুজেমবার্গকা আই পি এ (ইন্দিয়া) গা পাঞ্জল ৫-৫ দা দ্রো চৎখ্রে। হয়েং মণিপুর (বি) গা লুজেমবার্গকা নুংথিল পূং ১.৩০ শান্নরবা মতুং অনীশুবা মেতচতা সাউথ আফ্রিকা অমসুং আইপিএ ইন্দিয়া অনীনা শান্নগনি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু