• 481
• ২১শে অগাস্ট ২০২২ ইং
• Share on:

ইন্টারন্যশনাল সেমিনার অমসুং লাইরিক মায়খুম হাংবগী থৌরম পাংথোকখ্রে

সিলেট, ২১ আগস্ট: মণিপুরী লোনগী নুমিৎকা মরি লৈননা ঙরাং ২০ আগস্ট’২২ থাংজ নুমিৎ নুংথিল পুং অহুম তাব মতমদা  ‘ইন্টারন্যশনাল সেমিনার ওন মণিপুরী ল্যাঙ্গুয়েজ’ হায়বা হীরমসিদা মৌলভীবাজার জেলাগী মনুং চন্বা কমলগঞ্জ উপজেলাগী নয়াপত্তনদা লৈবা কাংশং হোলদা থৌরম অসি পাংথোকখিবনি।
ড. অমর য়ুম্নাম, হান্নগী ভাইস চেন্সেলার, মণিপুর ইউনিভার্সিটি, ফেলো, সেন্টার ফর ইকোনমিক এন্ড সোস্যাল স্টাডিজ হায়দ্রাবাদ’না মোডারেটর ওইখি। রিসোর্স পারসন ওইনা পেপার পাবিখিবা থৌনাওজম রবিন্দ্র, নেশন্যল এওয়ার্ডি, জুনিয়র ফেলো, মিনিস্ট্রি ওফ কলচর, জিনাইন লাইশ্রমচা, এসিস্টেন্ট প্রোফেসর সিওল ইউনিভার্সিটি, সাউথ কুরিয়া, ড. হোমেন থাংজম, এসিস্টেন্ট প্রোফেসর, ডিপার্টমেন্ট ওফ পোলিটেকল সাইন্স, ইন্দিরা গান্ধি ন্যশনাল ট্রাইবল ইউনিভার্সিটি। পেপার অসিগী নৈনরোয় ওইনা শরুক য়াখি অইবা, কবি অমসুং রিসারচার এ কে শেরাম, সভাপতি মণিপুরী ভাষা গবেষণা ও উন্নয়ন সংস্থা, অইবা, রিসারচার হামোম তনুবাবু, ডিরেক্টর, চাউবা মেমোরিয়াল মণিপুরী ইন্ট্যল্যাকচুয়াল প্রোপার্টি মিউজিয়াম।
মালেমদা চোইজাইননা তারিবা মণিপুরীশিংনা ঙাংনরিবা লোল অসি হৌজিক্তি গ্লোবালগী লোল অমনি হায়বা য়ারক্লে। লোল অসিবু  চাওখৎহন্বগী থৌদাং মীয়াম পুন্না শরুক য়াবগী মথৌ তায় হায়নসু নৈনরোয়শিংনা ফোংদোকপিরম্মি। থৌরম অসি মণিপুরী লাইব্রেরী এন্ড রিচার্স সেন্টার’না থৌরাংদুনা পাংথোকখিবনি।

নুংথিল পুং মরি তাব মতমদা হোল অসি মক্তদা কবি অয়েকপম অঞ্জুগী মরি সুরবা লাইরিক ‘সেতুর মায়া বন্ধন/থোংগী নুংশি লৈপুন’ মায়খুম হাংদোকখি। এল জয়ন্ত সিংহনা থৌরম মপু ওইরদুনা  অথোইবা মীথুং মো. আব্দাল হোসেন, চেয়ারম্যান, ৭নং আদমপুর ইউনিয়ন পরিষদ, অমদি মীথুংলেন ওইনা  ড. অমর য়ুম্নাম, হান্নগী ভাইস চেন্সেলার, মণিপুর ইউনিভার্সিটি, ফেলো, সেন্টার ফর ইকোনমিক এন্ড সোস্যাল স্টাডিজ হায়দ্রাবাদ, কবি এ কে শেরাম, প্রেসিডেন্ট, মণিপুরী ভাষা গবেষণা ও উন্নয়ন সংস্থা, ময়াংলাংবম খেলেন্দ্র, প্রেসিডেন্ট, অপুন্বা ইমাগী মচাশিং শরুক য়াখি।
লৈচোম্বম লোইদাম দেবীনা কন্ডাক্ট তৌরদুনা অইবা কবি অয়েকপম অঞ্জুনা ওকশিন ওয়াহৈ ফোংদোকখি। কবি শেরাম নিরঞ্জননা লাইরিক অসিগী মচাক নাইরবা কয়াতংগা লোয়ননা নৈনবিরকপা চেরোল ওইনা কোন্থৌজম শিল্পীনা পাথোকখি। কবি অওাংতাবম সমরেন্দ্র, কবি  রৌশন আরা বাশি খুৎহৈবম, কবি মনি অবুজম, কুঞ্জবতি শর্মা কবিনা ইথোকপা শৈরেং পাথোকখি। লোয়ননা ওয়াই নৃপেন, থোঙাম প্রহলাদ, ইবুংহাল সিংহ শ্যামল, নাইরোইবম রতনসু ৱা ঙাংবদা শরুক য়াখি।  

মায়খুম হাংদোকপগা লোয়ননা মণিপুরী লাইব্রেরী এন্ড রিচার্স সেন্টারগী অহান্ব ওইনা খুন্নায়সিগী মফম কয়াতংদা থৌগাই ওইনা পুবিদুনা লাক্লিবা পুং-ঈশে, মায়ব-মাইবী, নট সংকীর্তন, খোংজম পর্ব্ব শৈশকপা অমদি ৱারী লীবনচিংবা ওজাশিং কয়াবু ইকায়খুম্নবগা লোয়ননা লেংয়ান অমদি সাইটেশন পীদুনা ইকায়খুম্নবা উৎখি।

• ট্যাগ:
• বাংলাদেশ
• মৌলভীবাজার জেলা
• অয়েকপম অঞ্জু