আপডেট:
image

অজিৎকুমার থিয়াম লৈখিদবদা নহারোল সাহিত্য প্রেমীনা অৱাবা ফোঙদোকখ্রে

ইম্ফাল, নভেম্বর ১৫ : নহারোল সাহিত্য প্রেমী সমিতি, ইম্ফালগী হান্না জেনারেল সেক্রেটারি ওইরম্বা অজিৎকুমার থিয়াম, তেরা লুক্রাম লৈরক্তা লৈবনা মশাগী ময়ূমদা ঙরাং ইখঙ খঙহৌদনা লৈখিদবদা সমিতিগী থৌমীশিংনা অৱাবা ফোঙদোকখ্রে।

ঙসি খুদক্কী ওইবা অৱাবা ফোঙদোকপা মীফম অমা সমিতি অসিগী ভাইস প্রেসিদেন্ট য়াইমা হাওবনা থৌরম মপু ওইদুনা লূপ অসিগী রিমস রোদতা লৈবা ওফিসতা পাঙথোকখি। মীফম অদুদা তিনখিবশিংনা মিনিট অনী তুমিন্না লেপ্তুনা লৈখিদ্রবগী মফমদা ইকায়খুম্নবা ঊৎপগা লোয়ননা মহাক্কী থৱায়না মপুগী খুয়াদা ঈংনা-চিক্না লৈরুনবা থৌনিখি। লৈখিদ্রবগী ইমুং-মনুংগী অৱাবদসু শরুক য়ারি হায়না প্রেসতা থোকপা চেরোল অমনা হায়রি।

চেরোল অদুনা হায়, লৈখিদ্রবা অজিৎকুমার থিয়াম হিংলিঙৈদা সমিতিগী থবক থৌরম কয়াদা থম্মোয় শেংনা থৌ পুরম্বা মণিপুরী সাহিত্যগী লমদা চোকথবা নাইদনা চেন-চোংজরম্বা অচঙবা থৌমী অমনি। মহাক টার্ম অনীরক জোয়েন্ট সেক্রেটারি ওইরম্লবা মতুংদা ইং ২০০৬ তগী ২০০৮ ফাওবা জেনারেল সেক্রেটারি ওইনা থৌর পুরম্মী। ৱাখল চেফোঙগী এদিতরসু ওইরম্মী। মহাক্না মণিপুরদতা নত্তনা আসাম, ত্রিপুরা, মেঘালয়নচিংবা মফম কয়াদা পাঙথোকপা মণিপুরী সাহিত্যগী মীফম কয়াদসু শরুক য়ারমখি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: